Massive Scam Unearthed: મોટા નેતાઓ, આર્મીના ઉચ્ચ અધિકારીઓ અને વરિષ્ઠ આઈપીએસ (IPS) અધિકારીઓ સાથે ઓળખાણ હોવાનો દાવો કરી કરોડો રૂપિયાની છેતરપિંડી આચરનાર કુખ્યાત ‘બંટી-બબલી’ દંપતીને અમદાવાદ આર્થિક ગુના નિવારણ શાખા (EOW) એ ઝડપી લીધા છે. ધરપકડ કરાયેલા આરોપીઓ અનિલ વિભાણી અને તેની પત્ની વિમી વિભાણીએ અત્યાર સુધીમાં ૧૫ લોકોને પોતાની માયાવી જાળમાં ફસાવીને અંદાજે ₹૨૦ કરોડથી વધુની ઠગાઈ આચરી હોવાનું પોલીસ તપાસમાં બહાર આવ્યું છે.
Massive Scam Unearthed: ટ્રક ડ્રાઈવરમાંથી લક્ઝુરિયસ લાઈફ સુધીની સફર
આરોપી અનિલ વિભાણીનો ભૂતકાળ ગુનાહિત અને ચોંકાવનારો છે. તે અગાઉ પથ્થરની ખાણમાં મજૂરી કરતો હતો અને લાંબા સમય સુધી તેણે ટ્રક ડ્રાઈવર તરીકે નોકરી કરી હતી. વર્ષ ૨૦૧૦ થી તેણે સુરતમાંથી ગુનાખોરીની દુનિયામાં પગ મૂક્યો હતો. તેના વિરૂદ્ધ સુરતમાં તેની પ્રથમ પત્નીની હત્યા સહિત છેતરપિંડી, પ્રોહીબિશન અને ધાક-ધમકીના ૮ જેટલા ગુના નોંધાઈ ચૂક્યા છે. લોકોના પરસેવાના કરોડો રૂપિયા પડાવીને આ દંપતી અત્યંત વૈભવી લાઈફસ્ટાઈલ જીવતું હતું.
Massive Scam Unearthed: કેનેડાથી પરત ફરેલા NRI પાસે ૨.૨૭ કરોડ પડાવ્યા
EOW ના ડીસીપી હિમકરસિંહે ઘટના અંગે વિગતો આપતા જણાવ્યું કે, ફરિયાદી હિરેનકુમાર કેનેડામાં પીઆર (PR) મેળવવા ગયા હતા, જ્યાં તેમની સાથે ₹૨૪ કરોડની મોટી ઠગાઈ થઈ હતી. તેઓ જ્યારે આઘાતમાં ભારત પરત આવ્યા ત્યારે અનિલ વિભાણીએ તેમનો સંપર્ક કર્યો હતો.
અનિલે મહેસૂલ, સિંચાઈ, વીજળી વિભાગના ઉચ્ચ અધિકારીઓ અને આર્મીના લેફ્ટનન્ટ જનરલ સાથેના પોતાના ફોટા બતાવી હિરેનકુમારનો વિશ્વાસ જીત્યો હતો અને આ નાણાં પાછા અપાવવાના બહાને તેમની પાસેથી ₹૨.૨૭ કરોડ પડાવી લીધા હતા. રૂપિયા લીધા બાદ અનિલે કોઈ કામ ન કર્યું અને ફોન બંધ કરી દીધો હતો.
પત્ની વિમી પણ ઠગાઈમાં ભાગીદાર: ફરિયાદીના ખર્ચે ખરીદી સાડીઓ આ ઠગાઈમાં અનિલની પત્ની વિમી વિભાણી પણ બરાબરની ભાગીદાર હતી. તે ફરિયાદી હિરેનકુમારને સાથે રાખીને સાડીના શોરૂમમાં ગઈ હતી અને ત્યાં પોતાના માટે ₹૧ લાખની મોંઘીદાટ સાડીઓ ખરીદી તેનું પેમેન્ટ પણ ફરિયાદી પાસે કરાવ્યું હતું. નાણાકીય લેવડદેવડ અને સોદાબાજીની ફાઈનલ વાતચીતમાં વિમી મુખ્ય ભૂમિકા ભજવતી હતી.
Massive Scam Unearthed: કરોડોના સોનાના બિસ્કિટ, કિંમતી ફર્નિચર અને દીકરીના લગ્નમાં ઝવેરાત
અનિલ વિભાણીએ લોકો પાસેથી પડાવેલા પૈસાનો ઉપયોગ માત્ર મોજશોખ માટે કર્યો હતો:
- તેણે પોતાની દીકરીના લગ્નમાં અઢળક સોનાના દાગીના આપ્યા હતા.
- બજારમાં પોતાની ખોટી વગ બતાવીને તેણે ૫ થી ૬ સોનાના વેપારીઓ પાસેથી જ ઓળખાણના જોરે અંદાજે ₹૫ કરોડના ગોલ્ડ બાર (સોનાના બિસ્કિટ) અને જ્વેલરી પડાવી લીધી હોવાની ચોંકાવનારી વિગતો સામે આવી છે.
- પોતાના આલીશાન મકાનોમાં કિંમતી અને વિદેશી ફર્નિચર વસાવ્યું હતું.
Massive Scam Unearthed: પોલીસે ₹૫ કરોડની મર્સિડીઝ-રેન્જ રોવર સહિત ૬ કાર, બેંક એકાઉન્ટ અને લોકર્સ સીઝ કર્યા
આર્થિક ગુના નિવારણ શાખાએ ઠગ દંપતી પર સકંજો કસતા તેમની કરોડોની સંપત્તિ જપ્ત કરી છે:
પોલીસ હાલમાં આ તમામ મિલકતોની તપાસ કરી રહી છે અને જો આ મિલકતો છેતરપિંડીના પૈસામાંથી ખરીદવામાં આવી હશે તો તેને કાયદેસર રીતે ટાંચમાં (જપ્ત) લેવાની કાર્યવાહી કરાશે.
પોલીસની જાહેર જનતાને અપીલ: EOW ના વરિષ્ઠ અધિકારીઓએ જણાવ્યું છે કે જો ગુજરાત કે અન્ય કોઈ પણ વિસ્તારના નાગરિકો આ અનિલ વિભાણી અને વિમી વિભાણીની ટોળકીનો શિકાર બન્યા હોય, તો તેઓએ તાત્કાલિક પોલીસનો સંપર્ક કરવો, જેથી તેમની ફરિયાદ નોંધીને વધુ કડક કાયદાકીય પગલાં ભરી શકાય.
વધુ સમાચાર વાંચવા માટે અંહી ક્લિક કરો
