અમદાવાદ:
IPL 2026 Final Craze:નરેન્દ્ર મોદી સ્ટેડિયમ ખાતે આજે (૩૧ મે, ૨૦૨૬) ગુજરાત ટાઇટન્સ (GT) અને રોયલ ચેલેન્જર્સ બેંગ્લોર (RCB) વચ્ચે આઇપીએલ ૨૦૨૬ની મહાફાઇનલ રમાવા જઈ રહી છે. ક્રિકેટ રસિકોમાં આ મેચને લઈને જબરદસ્ત ક્રેઝ જોવા મળી રહ્યો છે. સવારે ૧૦ વાગ્યે ‘ડિસ્ટ્રિક બાય ઝોમેટો’ (District by Zomato) એપ પર ફરીથી ટિકિટનું વેચાણ શરૂ થતાંની સાથે જ માત્ર દોઢ કલાકમાં ૪૫,૦૦૦ જેટલી ટિકિટો વેચાઈ ગઈ હતી. અપર, લોવર અને પ્રેસિડેન્ટ ગેલેરી સહિતની ટિકિટો હજુ પણ ઓનલાઇન ઉપલબ્ધ છે, જેમાંથી અત્યાર સુધીમાં અંદાજે ૬૦% થી ૭૦% ટિકિટો બુક થઈ ચૂકી છે.
બીજી તરફ, હવામાન વિભાગ દ્વારા અમદાવાદમાં થન્ડરસ્ટોર્મ એક્ટિવિટી સાથે સામાન્યથી મધ્યમ વરસાદની આગાહી કરવામાં આવી હોવાથી મેચ પર વરસાદનું વિઘ્ન આવી શકે છે. વહીવટી તંત્ર દ્વારા સ્ટેડિયમની બહાર ચુસ્ત બેરિકેડિંગ કરી દેવામાં આવ્યું છે અને મોડી રાત્રે અમદાવાદ પહોંચેલી ગુજરાત ટાઇટન્સની ટીમનું આઇટીસી (ITC) નર્મદા હોટેલ ખાતે ગરબા અને ઢોલના નાદ સાથે ભવ્ય સ્વાગત કરાયું હતું.
“IPL 2026 Final Craze: ટ્રાફિક ડાયવર્ઝન: જનપથ ટી-મોટેરા રોડ સવારે 11 વાગ્યાથી બંધ
મેચ દરમિયાન ટ્રાફિક વ્યવસ્થા જાળવવા માટે અમદાવાદ પોલીસ દ્વારા ખાસ ડાયવર્ઝન જાહેર કરવામાં આવ્યું છે:
- બંધ રૂટ: જનપથ ટી (Janpath T) થી મોટેરા સ્ટેડિયમ મુખ્ય ગેટ થઈને કૃપા રેસિડન્સીથી મોટેરા ગામ સુધીનો આવવા-જવાનો રસ્તો સવારે ૧૧:૦૦ વાગ્યાથી મોડી રાત્રે ૨:૦૦ વાગ્યા સુધી તમામ વાહનો માટે સંપૂર્ણ બંધ રહેશે.
- વૈકલ્પિક રૂટ: વાહનચાલકો તપોવન સર્કલથી વિસત થઈ જનપથ તરફ અને ત્યાંથી પાવર હાઉસ, પ્રબોધ રાવળ સર્કલ તથા કૃપા રેસિડન્સીથી ભાટ કોટેશ્વર રોડ અને એપોલો સર્કલ તરફ અવરજવર કરી શકશે.
ચુસ્ત પોલીસ બંદોબસ્ત: આ મહામેચની સુરક્ષા માટે આઇજીપી (IGP), ડીસીપી (DCP) અને પીઆઇ (PI) સહિત કુલ ૩,૦૪૩ પોલીસકર્મીઓ તૈનાત કરાયા છે. આ ઉપરાંત ક્રાઈમ બ્રાન્ચ અને એસઓજી (SOG)ની ટીમો પણ કાર્યરત રહેશે.
“IPL 2026 Final Craze: ડિજિટલ પાર્કિંગ વ્યવસ્થા અને ફ્રી શટલ સર્વિસ
૧ લાખથી વધુ પ્રેક્ષકોની ભીડને મેનેજ કરવા માટે ‘SHOW MY PARKING’ દ્વારા આધુનિક ટેકનોલોજી સાથે વ્યવસ્થા કરવામાં આવી છે:
- ઓનલાઇન બુકિંગ: પ્રેક્ષકો events.showmyparking.com પરથી એડવાન્સમાં પાર્કિંગ સ્લોટ બુક કરાવી શકે છે.
- મુખ્ય પાર્કિંગ વિસ્તારો: મોટેરા મેઈન પાર્કિંગ (ગેટ નં. ૧ ની સામે), AMC વિહાન હાઈટ્સ પાસે, રેલવે કોલોની પ્લે ગ્રાઉન્ડ અને ઓએનજીસી (ONGC) સર્કલ પાસે આવેલ AMC પ્લોટ નં. ૨ માં પાર્કિંગની વ્યવસ્થા છે.
- ફ્રી શટલ સર્વિસ: સ્ટેડિયમથી દૂર આવેલા પાર્કિંગ પ્લોટ્સ (જેવા કે ONGC સર્કલ અને રેલવે ગ્રાઉન્ડ) થી સ્ટેડિયમના ગેટ સુધી પ્રેક્ષકોને લાવવા-લઈ જવા માટે મફત શટલ બસ સેવા ઉપલબ્ધ રહેશે. બે જગ્યાએ VIP પાર્કિંગ પણ રખાયા છે.
“IPL 2026 Final Craze: કટોકટી માટે ૩ બેકઅપ પાર્કિંગ પ્લોટ:
- ONGC સર્કલ પાસે AMC ફ્રી પ્લોટ-૧: સ્ટેડિયમથી ૧.૩ કિમી (ક્ષમતા: ૪૦ ફોર-વ્હીલર, ૫૦૦ ટુ-વ્હીલર).
- ઇન્ડિયન પેટ્રોલ પંપ નજીક (પેઇડ): સ્ટેડિયમથી ૨ કિમી (ક્ષમતા: ૩૦૦ ફોર-વ્હીલર).
- માતૃશ્રી પાર્ટી પ્લોટ પાસે (પેઇડ): સ્ટેડિયમથી ૨.૪ કિમી (ક્ષમતા: ૫૦૦ ફોર-વ્હીલર).
“IPL 2026 Final Craze: જાહેર પરિવહનની ખાસ વ્યવસ્થા (મેટ્રો, AMTS અને BRTS)
પાર્કિંગની માથાકૂટથી બચવા માટે ચાહકો જાહેર પરિવહનનો ઉપયોગ કરી શકે છે:
- અમદાવાદ મેટ્રો: સ્ટેડિયમ સીધું મેટ્રો સાથે જોડાયેલું છે. જો કે, મેચ પછીની લાંબી કતારોથી બચવા માટે ચાહકોને એડવાન્સમાં જ રિટર્ન (પેપર) ટિકિટ ખરીદી લેવા સલાહ છે.
- AMTS ની ૧૩૦ બસો (ભાડું માત્ર ₹૩૦): સ્ટેડિયમ રૂટ પર સામાન્ય ૮૦ બસોને બદલે હવે ૨૧ રૂટો પર કુલ ૧૩૦ બસો દોડશે (જેમાં ૫૦ નાઇટ બસો સામેલ છે). આ તમામ વિશેષ બસોનું ભાડું માત્ર ₹૩૦ નક્કી કરાયું છે.
- BRTS ની ૫૨ બસો: રૂટિન ૩૬ બસો ઉપરાંત વધારાની ૧૬ બસો મેળવીને કુલ ૫૨ BRTS બસો મેચ પૂર્ણ થાય ત્યાં સુધી દોડશે. પેસેન્જર મેનેજમેન્ટ માટે ખાસ સ્ટાફ પણ ગ્રાઉન્ડ પર તૈનાત રહેશે.
પ્રેક્ષકો માટે મહત્વની ટિપ્સ
- વહેલા પહોંચો: ૧ લાખથી વધુ લોકો આવવાના હોવાથી એન્ટ્રી ગેટ પર લાંબી લાઇન ટાળવા વહેલા નીકળવું હિતાવહ છે.
- પ્રતિબંધિત વસ્તુઓ ચેક કરો: સ્ટેડિયમમાં લઈ જવા પર પ્રતિબંધ હોય તેવી વસ્તુઓની યાદી BookMyShow અથવા IPL ની સત્તાવાર વેબસાઇટ પર ચેક કરી લેવી.
- ઓફિશિયલ એપ વાપરો: ટ્રાફિક જામ અને પાર્કિંગની સમસ્યાથી બચવા ‘શો માય પાર્કિંગ’ એપ પરથી અગાઉથી પાર્કિંગ બુક કરી લો.
વધુ સમાચાર વાંચવા માટે અંહી ક્લિક કરો: ગુજરાતમાં મેઘરાજાની ધડબડાટી મહીસાગરમાં વૃક્ષો ધરાશાયી, અમદાવાદ સહિત અનેક જિલ્લાઓમાં ભારે પવન સાથે તોફાની વરસાદ
