Huge Weather Shift In Gujarat: ગુજરાતમાં અસહ્ય ઉકળાટ અને કાળઝાળ ગરમી વચ્ચે વાતાવરણમાં એકાએક મોટો પલટો આવ્યો છે. હવામાન વિભાગની આગાહી પગલે આજે (30 મે) વહેલી સવારથી જ અરવલ્લી અને મહીસાગર જિલ્લામાં કાળાડિબાંગ વાદળો સાથે ધોધમાર વરસાદ ખાબક્યો છે. મેઘરાજાના આ ધમાકેદાર આગમનથી તાપમાનમાં ઘટાડો થતાં લોકોને ગરમીથી મોટી રાહત મળી છે.
બીજી તરફ, હવામાન વિભાગે આગામી 6 દિવસ સુધી રાજ્યમાં ભારે પવન અને ગાજવીજ સાથે તોફાની વાતાવરણ રહેવાની ચેતવણી આપી છે, જેના કારણે ખેડૂતોને પોતાના ઊભા પાક અને ઘાસચારાને સુરક્ષિત સ્થળે ખસેડી લેવા ખાસ અપીલ કરવામાં આવી છે.
Huge Weather Shift In Gujarat: રાજકોટમાં તાપમાન એકઝાટકે 3.7°C ગગડ્યું
વરસાદી માહોલને કારણે રાજ્યના મોટાભાગના શહેરોના તાપમાનમાં ઘટાડો નોંધાયો છે:
- રાજકોટ: તાપમાન 43.6°C થી સીધું 3.7°C ઘટીને 39.9°C થઈ ગયું છે.
- સુરેન્દ્રનગર: 3.2°C ના ઘટાડા સાથે 41.5°C નોંધાયું.
- ડીસા: 4.1°C નો મોટો ઘટાડો થતાં તાપમાન 38.1°C પર પહોંચ્યું.
- અમદાવાદ: 43.1°C સાથે અમદાવાદ હજુ પણ રાજ્યનું સૌથી ગરમ શહેર રહ્યું છે, જો કે ત્યાં પણ 1.3°C નો ઘટાડો નોંધાયો છે.
નોંધ: આગામી 7 દિવસ દરમિયાન સમગ્ર રાજ્યમાં મહત્તમ તાપમાનમાં હજુ 3 થી 5°C નો ક્રમિક ઘટાડો થવાની શક્યતા છે.
Huge Weather Shift In Gujarat: ક્યાં કેવો પડ્યો વરસાદ?
- અરવલ્લી જિલ્લો: વહેલી સવારથી જ મુખ્ય મથક મોડાસા, માલપુર, ભિલોડા અને યાત્રાધામ શામળાજી પંથકમાં ધોધમાર વરસાદ પડ્યો છે. ગ્રામ્ય વિસ્તારો જેવા કે વાશેરાકંપા, સુનોખ, ઇસરોલ (ઇસરી), જીતપુર અને જીવણપુરમાં પણ સારો વરસાદ નોંધાયો છે.
- મહીસાગર જિલ્લો: લુણાવાડા શહેર સહિત ખાનપુર, સંતરામપુર અને કડાણા (ગોધર) પંથકમાં કાળાડિબાંગ વાદળો વચ્ચે ધીમી ધારે હળવો વરસાદ અને વરસાદી ઝાપટાં શરૂ થયા છે.
Huge Weather Shift In Gujarat: આગામી 6 દિવસની તોફાની આગાહી (તાલુકા અને જિલ્લા વાઇઝ)
- 30 મે: બનાસકાંઠા, મહેસાણા, સાબરકાંઠા, અરવલ્લી, પંચમહાલ, દાહોદ, મહીસાગર, છોટાઉદેપુર, ગીર સોમનાથ, દમણ અને દીવમાં 40 થી 50 kmphની ગતિએ તોફાની પવન અને વીજળીના કડાકા સાથે હળવોથી મધ્યમ વરસાદ પડી શકે છે.
- 31 મે: અરવલ્લી, દાહોદ અને મહીસાગરમાં ભારે વરસાદની ચેતવણી. આ સિવાય મધ્ય-ઉત્તર ગુજરાત અને સૌરાષ્ટ્રના અન્ય 13 જેટલા જિલ્લાઓમાં ગાજવીજ સાથે હળવો વરસાદ થઈ શકે છે.
- 1 જૂન: મહેસાણા, સાબરકાંઠા, અરવલ્લી, આણંદ, પંચમહાલ, દાહોદ અને મહીસાગરમાં ભારે વરસાદની શક્યતા. અમદાવાદ, ગાંધીનગર, સૌરાષ્ટ્ર અને કચ્છમાં પણ પવન સાથે હળવો વરસાદ આવી શકે છે.
- 2 જૂન: બનાસકાંઠા, મહેસાણા, સાબરકાંઠા, અરવલ્લી અને આણંદમાં ભારે વરસાદની સંભાવના. દક્ષિણ ગુજરાતના તમામ જિલ્લાઓમાં (વડોદરા, ભરૂચ, સુરત, નવસારી, વલસાડ) વરસાદી માહોલ રહેશે.
- 3 અને 4 જૂન: સમગ્ર ઉત્તર ગુજરાત, દક્ષિણ ગુજરાતના તમામ જિલ્લાઓ તેમજ સૌરાષ્ટ્ર-કચ્છ (રાજકોટ, અમરેલી, ભાવનગર વગેરે) માં 40 થી 50 kmphની ઝડપે પવન ફૂંકાવા સાથે વરસાદી માહોલ યથાવત રહેશે.
અમદાવાદ શહેરની સ્થિતિ
અમદાવાદમાં આગામી દિવસોમાં મુખ્યત્વે આકાશ સ્વચ્છ રહેવાની શક્યતા છે અને મહત્તમ તાપમાન 43°C ની આસપાસ જળવાઈ રહેશે.
વધુ સમાચાર વાંચવા માટે અંહી ક્લિક કરો: ગાંધીનગરના ઇન્દ્રોડા પાર્કમાં વન્યજીવોને હીટ સ્ટ્રોકથી બચાવવા મોટો પ્લાન, જમ્બો કૂલર્સ, સ્પ્રીન્ક્લર્સ અને ડાયેટમાં ફેરફાર
