Gold & Silver to Get Costlier: સોના અને ચાંદીના પ્રેમીઓ માટે માઠા સમાચાર સામે આવ્યા છે. કેન્દ્ર સરકારે સોના-ચાંદીની આયાત પરની ઇમ્પોર્ટ ડ્યૂટીમાં મોટો વધારો ઝીંક્યો છે. અત્યાર સુધી જે ડ્યૂટી 6% હતી, તેને વધારીને સીધી 15% કરી દેવામાં આવી છે. આ નવા ભાવ આજથી જ અમલી બની ગયા છે, જેના કારણે સ્થાનિક બજારમાં સોનું પ્રતિ 10 ગ્રામ હજારો રૂપિયા મોંઘું થશે.
શા માટે લેવાયો આ નિર્ણય? સરકારનો મુખ્ય હેતુ વિદેશી મુદ્રા ભંડાર (Foreign Exchange Reserves) પર વધી રહેલા દબાણને ઓછું કરવાનો અને રૂપિયાના મૂલ્યને ટેકો આપવાનો છે. નોંધનીય છે કે 12 મેના રોજ રૂપિયો ડોલર સામે 95.50ની ઐતિહાસિક સપાટીએ પહોંચી ગયો હતો. આયાત ઘટાડીને વેપાર ખાધ (Trade Deficit) ઓછી કરવા માટે આ કડક પગલું ભરવામાં આવ્યું છે.
Gold & Silver to Get Costlier: તમારા ખિસ્સા પર કેટલી અસર પડશે?
- ગણતરી: પહેલા 1 લાખ રૂપિયાના સોના પર 6,000 રૂપિયા ટેક્સ લાગતો હતો, જે હવે વધીને 15,000 રૂપિયા થઈ જશે.
- અંદાજિત વધારો: જો 24 કેરેટ સોનાનો ભાવ પહેલા 1.50 લાખ રૂપિયા (10 ગ્રામ) હતો, તો હવે તે વધીને અંદાજે ₹1,62,150 સુધી પહોંચી શકે છે. એટલે કે સીધો 12,150 રૂપિયાનો વધારો જોવા મળી શકે છે.
પીએમ મોદીની અપીલ અને બજારની સ્થિતિ વડાપ્રધાન નરેન્દ્ર મોદીએ પણ તાજેતરમાં દેશવાસીઓને દેશહિતમાં એક વર્ષ સુધી સોનું ન ખરીદવા વિનંતી કરી છે, જેથી વિદેશી હુંડિયામણ બચાવી શકાય. આ જાહેરાત બાદ શેરબજારમાં જ્વેલરી કંપનીઓ જેવી કે ટાઇટન, કલ્યાણ જ્વેલર્સ અને સેન્કો ગોલ્ડના શેરમાં 7% થી 10% સુધીનો મોટો કડાકો જોવા મળ્યો છે.
વધુ સમાચાર વાંચવ માટે અંહી ક્લિક કરો: ઇંધણ બચાવવા ગુજરાત યુનિવર્સિટીની પહેલ: PM મોદીની અપીલ બાદ ‘કાર પુલિંગ’નો નિર્ણય, મંત્રીઓએ પણ સુરક્ષા કાર છોડી
