PM Modi in Vadodara: વડાપ્રધાન નરેન્દ્ર મોદીના વડોદરા આગમનને લઈને સમગ્ર શહેરમાં ભારે ઉત્સાહ જોવા મળી રહ્યો છે. સરદાર ધામ છાત્રાલયના ઉદ્ઘાટન પ્રસંગે વડાપ્રધાનનું અભિવાદન કરવા માટે વડોદરા મહાનગરપાલિકા દ્વારા શહેરીજનો માટે વ્યાપક સુવિધાઓ ઉભી કરવામાં આવી છે.
PM Modi in Vadodara: 300 બસો દ્વારા પરિવહન સેવા
વડાપ્રધાનના ઉદ્ઘાટન સમારંભમાં લોકોને લાવવા અને લઈ જવા માટે પાલિકાએ કુલ 300 બસોની ફાળવણી કરી છે.
- શહેરના જુદા જુદા વિસ્તારોમાંથી લોકોને કાર્યક્રમ સ્થળે પહોંચાડવા માટે આ વ્યવસ્થા કરવામાં આવી છે.
- જેમાં 5 ખાનગી ટ્રાવેલ્સની 120 બસોનો પણ સમાવેશ થાય છે.
- ખાસ કરીને નવલખી મેદાન ખાતેથી લોકોને લઈ જવા માટે 100 બસો સ્ટેન્ડબાય રાખવામાં આવી છે.
PM Modi in Vadodara: ભર ઉનાળે ઠંડક આપતી વ્યવસ્થા
હાલમાં પડી રહેલી આકરી ગરમીને ધ્યાનમાં રાખીને પાલિકાના ફૂડ સેફટી વિભાગ દ્વારા મુસાફરો માટે ખાસ તકેદારી રાખવામાં આવી છે:
- ઠંડા પીણા અને પાણી: દરેક બસમાં ઠંડા પાણીના જગ, ઠંડા પીણા અને લીંબુ પાણીની વ્યવસ્થા કરવામાં આવી છે.
- ભોજનની સુવિધા: કાર્યક્રમમાં આવતા લોકો માટે નાસ્તા સહિત ફૂડ પેકેટનો બંદોબસ્ત પણ કરવામાં આવ્યો છે.
મેડિકલ ટીમ ખડેપગે
ગરમીના કારણે કોઈ પણ નાગરિકની તબિયત લથડે તો તેને તાત્કાલિક સારવાર મળી રહે તે માટે સ્વાગત સ્થળે પાલિકા દ્વારા અલગથી મેડિકલ ટીમ તૈનાત કરવામાં આવશે. તંત્ર દ્વારા તમામ પાસાઓને ધ્યાનમાં રાખીને આ આયોજનને આખરી ઓપ આપવામાં આવ્યો છે.
વધુ સમાચાર વાંચવા માટે અંહી ક્લિક કરો
