US Declares First UFO Files: વર્ષોથી જેની આતુરતાથી રાહ જોવાતી હતી તે UFO અને એલિયન ગતિવિધિઓ પરની ગુપ્ત ફાઈલોનો પ્રથમ જથ્થો અમેરિકાએ જાહેર કર્યો છે. ટ્રમ્પ વહીવટીતંત્રે સેંકડો નવા વીડિયો, ફોટા અને દાયકાઓ જૂના સરકારી રેકોર્ડ સાર્વજનિક કરતા જ વિશ્વભરમાં ચર્ચાઓ તેજ બની છે.
US Declares First UFO Files: સાક્ષીઓનો ચોંકાવનારો દાવો: UFOમાંથી ઉતર્યા હતા ‘નાના જીવો’
FBIના ડિક્લાસિફાઇડ દસ્તાવેજોમાં 1960ના દાયકાના કેટલાક પ્રત્યક્ષદર્શીઓના નિવેદનો નોંધવામાં આવ્યા છે. રિપોર્ટ અનુસાર:
- સાક્ષીઓએ UFOમાંથી સાડા ત્રણથી ચાર ફૂટની લંબાઈ ધરાવતા રહસ્યમય જીવોને બહાર નીકળતા જોયા હતા.
- આ જીવોએ સ્પેસ સૂટ અને હેલ્મેટ જેવા કપડાં પહેર્યા હોવાનું પણ જણાવાયું છે.
- FBI રેકોર્ડ મુજબ, 1965માં સમગ્ર વિશ્વમાં સૌથી વધુ UFO જોવા મળ્યાની ઘટનાઓ બની હતી.
US Declares First UFO Files: ચંદ્ર પર પણ દેખાઈ રહસ્યમય વસ્તુઓ
જાહેર કરાયેલા દસ્તાવેજોમાં NASAના એપોલો 12 અને એપોલો 17 મિશનના રેકોર્ડ્સ પણ સામેલ છે. એપોલો 17ની ટ્રાન્સક્રિપ્ટમાં અવકાશયાત્રીઓ મિશન કંટ્રોલ સાથે વાત કરતા સંભળાય છે કે તેમની બારીની બહાર ‘ચમકતી વસ્તુઓ’ દેખાઈ રહી છે, જે જાણે આતિશબાજી જેવી લાગતી હતી. ચંદ્રની સપાટી પર લેવાયેલી તસવીરોમાં કેટલાક અકળ બિંદુઓ પણ જોવા મળ્યા છે જેને ‘અનઆઇડેન્ટિફાઇડ ફિનોમિના’ ગણાવાયા છે.
US Declares First UFO Files: ઓમાનના અખાત ઉપર ‘આંસુ’ જેવા આકારનું UFO
તાજેતરના વર્ષોની વાત કરીએ તો, 2024માં ઓમાનના અખાત ઉપર ઇન્ફ્રારેડ સેન્સરે એક રહસ્યમય વસ્તુ રેકોર્ડ કરી હતી. આ વસ્તુનો આકાર આંસુ જેવો હતો અને તે અતિશય ઝડપે ઉડી રહી હતી. આ ઉપરાંત, લશ્કરી પાઇલટો દ્વારા હવામાં 20 સેકન્ડ સુધી ટ્રેક કરાયેલી વસ્તુઓ પણ અચાનક ગાયબ થઈ ગઈ હોવાના અહેવાલો છે.
ટ્રમ્પનો આદેશ અને પારદર્શિતા
રાષ્ટ્રપતિ ડોનાલ્ડ ટ્રમ્પે સોશિયલ મીડિયા પર પુષ્ટિ કરી છે કે તેમણે એજન્સીઓને એલિયન લાઇફ અને UFO સંબંધિત માહિતી જનતા સમક્ષ મૂકવા આદેશ આપ્યો હતો. જોકે, પેન્ટાગોને હજુ પણ સ્પષ્ટતા કરી છે કે આ માત્ર પ્રત્યક્ષદર્શીઓના નિવેદનો છે અને એલિયન ટેકનોલોજીના કોઈ ‘પાકા પુરાવા’ હજુ મળ્યા નથી.
આગામી દિવસોમાં વધુ ઘટસ્ફોટ થશે? અમેરિકી સાંસદો અને સંરક્ષણ મંત્રી પીટ હેગસેથે સંકેત આપ્યા છે કે આ તો માત્ર શરૂઆત છે. આવનારા સમયમાં વધુ ફાઇલો સાર્વજનિક કરવામાં આવશે, જેથી UFOના રહસ્યો પરથી પડદો ઊંચકાઈ શકે.
વધુ સમાચાર વાંચવા માટે અંહી ક્લિક કરો: બંગાળમાં ભાજપ યુગનો પ્રારંભ, સુવેન્દુ અધિકારી બન્યા રાજ્યના પ્રથમ ભાજપના મુખ્યમંત્રી, પીએમ મોદીની હાજરીમાં ભવ્ય શપથવિધિ
