Cultural & Strategic: ગુજરાત સ્થાપના દિવસના પાવન અવસરે સુરતનું આંગણું સાંસ્કૃતિક કાર્યક્રમો, ગૌરવશાળી પોલીસ પરેડ અને વિકાસના નવા સંકલ્પોથી ગુંજી ઉઠ્યું છે. સુરતની ઓરો યુનિવર્સિટી ખાતે 1 અને 2 મે દરમિયાન ‘વાઇબ્રન્ટ ગુજરાત રિજનલ કોન્ફરન્સ’ (VGRC) ની ત્રીજી આવૃત્તિનું ભવ્ય આયોજન કરવામાં આવ્યું છે, જેનું ઉદ્ઘાટન મુખ્યમંત્રી ભૂપેન્દ્ર પટેલે કર્યું હતું.
Cultural & Strategic: વૈશ્વિક ભાગીદારી અને નવા આયામો
આ મેગા ઇવેન્ટમાં જાપાન, રવાન્ડા, યુક્રેન અને સિંગાપોર જેવા દેશો ભાગીદાર તરીકે જોડાયા છે. આ પ્રસંગે વિદેશી રાજદૂતોએ પણ ગુજરાતના રંગે રંગાઈને સંબોધન કર્યું હતું. સિંગાપોરના હાઈ કમિશનરે ‘જયશ્રી કૃષ્ણ’ અને યુક્રેનના રાજદૂતે ‘જય જય ગરવી ગુજરાત’ કહીને રાજ્ય પ્રત્યે પોતાનો આદર વ્યક્ત કર્યો હતો.
Cultural & Strategic: ઔદ્યોગિક ક્રાંતિ માટે મહત્વની જાહેરાતો
મુખ્યમંત્રીએ આ કોન્ફરન્સ દરમિયાન રાજ્યના વિકાસને નવી ગતિ આપતા મહત્વના નિર્ણયો જાહેર કર્યા:
- 8 નવી સ્માર્ટ GIDC: દક્ષિણ ગુજરાતના ઇન્ફ્રાસ્ટ્રક્ચરને મજબૂત કરવા માટે 8 અત્યાધુનિક સ્માર્ટ GIDC એસ્ટેટની જાહેરાત કરવામાં આવી.
- સુરત ડાયમંડ-GI ટેગ: વિશ્વવિખ્યાત ‘સુરત કટ ડાયમંડ’ના GI ટેગ પર એક ખાસ કવર લોન્ચ કરાયું, જે હીરા ઉદ્યોગ માટે ગૌરવની ક્ષણ છે.
- કરોડોના MOU: પ્રાદેશિક વિકાસ અને રોજગારી વધારવા માટે વિવિધ ક્ષેત્રોમાં કરોડો રૂપિયાના સમજૂતી કરાર (MOU) થયા છે.
દક્ષિણ ગુજરાતના 6 જિલ્લાઓ પર ફોકસ
‘વિકસિત ભારત@2047’ના વિઝન સાથે આયોજિત આ પરિષદમાં સુરત, ભરૂચ, ડાંગ, નવસારી, તાપી અને વલસાડની ઔદ્યોગિક ક્ષમતા પ્રદર્શિત કરવામાં આવી છે. સાથે જ 1થી 5 મે સુધી યોજાનાર વિશાળ Cultural & Strategic:એક્ઝિબિશનમાં MSME થી લઈને મલ્ટીનેશનલ કંપનીઓ પોતાની અત્યાધુનિક ટેકનોલોજીનું પ્રદર્શન કરી રહી છે.
મુખ્યમંત્રીનું સંબોધન: દરિયો હવે સમૃદ્ધિનું દ્વાર
સીએમ ભૂપેન્દ્ર પટેલે જણાવ્યું કે, “પીએમ મોદીના વિઝનથી જે દરિયો એક સમયે નકારાત્મક પ્રવૃત્તિઓ માટે જાણીતો હતો, તે આજે ‘પોર્ટ-લેડ ડેવલપમેન્ટ’થી ભારતની સમૃદ્ધિનું પ્રવેશદ્વાર બન્યો છે. આજે દેશના કુલ કાર્ગોના 40% હેન્ડલિંગ એકલું ગુજરાત કરે છે.” તેમણે વધુમાં ઉમેર્યું કે 2003થી શરૂ થયેલી વાઇબ્રન્ટ સમિટની સફળતાને કારણે જ આજે ગુજરાત FDI મેળવવામાં દેશમાં અગ્રેસર છે.
ઊર્જા સુરક્ષા પર કેન્દ્રીય મંત્રીનો ભાર
કેન્દ્રીય મંત્રી હરદીપસિંહ પુરીએ પણ આ બેઠકમાં હાજરી આપી હતી. તેમણે જણાવ્યું હતું કે વૈશ્વિક ઊર્જા કટોકટી વચ્ચે પણ ભારત સરકાર ક્રૂડ, LPG અને પેટ્રોલ-ડીઝલના પુરવઠા પર સતત દેખરેખ રાખી રહી છે જેથી નાગરિકોને કોઈ તકલીફ ન પડે.
આ કોન્ફરન્સ દક્ષિણ ગુજરાતના હીરા, ટેક્સટાઇલ અને કેમિકલ ઉદ્યોગોને વૈશ્વિક મંચ પૂરું પાડવામાં અને પ્રાદેશિક અર્થતંત્રને નવી ઊંચાઈએ લઈ જવામાં નિર્ણાયક સાબિત થશે.
વધુ સમાચાર વાંચવા માટે અંહી ક્લિક કરો: સ્પેશિયલ ડ્રાઈવમાં પકડાયેલી ચાલકે ગાડી ડિટેઈન થતા વડોદરા પોલીસ ભવન બહાર હોબાળો કર્યો
