Surat SBI Robbery: વરાછા વિસ્તારમાં એલ.એચ. રોડ પર આવેલી સ્ટેટ બેંક ઓફ ઈન્ડિયા (SBI)માં થયેલી ₹50 લાખની લૂંટના મામલે નવા અને ચોંકાવનારા CCTV ફૂટેજ સામે આવ્યા છે. આ ફૂટેજમાં લૂંટારાઓની હિંમત અને પોલીસ તંત્રની નિષ્ફળતાના જીવતા પુરાવા જોવા મળી રહ્યા છે.
Surat SBI Robbery: ગનમેનની બાજુમાંથી જ ટહેલતા નીકળ્યા લૂંટારા
નવા CCTV ફૂટેજ મુજબ, લૂંટારાઓની સંખ્યા 5 કે 6 નહીં પણ 7 હતી. સૌથી ચોંકાવનારી વાત એ છે કે, બેંકમાં લૂંટ ચલાવ્યા બાદ લૂંટારાઓ રોકડ ભરેલી બેગ લઈને બેંકની નીચે ઉભેલા કેશવાનના બે સશસ્ત્ર ગનમેનની બાજુમાંથી જ આરામથી પસાર થઈ ગયા હતા. ગનમેનને ભનક પણ ન લાગી કે તેમની બાજુમાંથી પસાર થતા શખ્સો હમણાં જ બેંક લૂંટીને આવ્યા છે.
Surat SBI Robbery: ફિલ્મી સ્ટાઈલમાં લૂંટનું પ્લાનિંગ
- 17 દિવસની રેકી: લૂંટારાઓએ આ લૂંટને અંજામ આપવા માટે સતત 17 દિવસ સુધી બેંકની રેકી કરી હતી.
- ચોકસાઈભર્યું ટાઈમિંગ: સોમવારે બપોરે 1:10 કલાકે સાતેય લૂંટારાઓ ત્રણ બાઈક (પલ્સર, અપાચે અને સ્પ્લેન્ડર) પર આવ્યા હતા. તેઓ ફોન દ્વારા એકબીજાના સંપર્કમાં હતા.
- 5 મિનિટમાં ખેલ ખતમ: બપોરે 2:01 કલાકે કેશવાન આવી અને 2:03 કલાકે જેવી ₹38 લાખની રોકડ ભરેલી પેટી બેંકમાં ગઈ, લૂંટારાઓએ ત્રાટકીને ગન પોઈન્ટ પર કર્મચારીઓને બંધક બનાવ્યા. તેમણે પેટીના 38 લાખ અને કેશ કાઉન્ટરના 12 લાખ મળી કુલ ₹50 લાખની લૂંટ કરી હતી.
Surat SBI Robbery: શ્રમિકો હોવાનો વેશ અને શંકા
લૂંટારાઓ બુકાની બાંધ્યા વગર ખુલ્લા મોઢે બેંકમાં ઘૂસ્યા હતા. પ્રત્યક્ષદર્શીઓના મતે:
- આરોપીઓની ઉંમર 25 થી 30 વર્ષની હતી.
- તેમના કપડાં રદ્દી જેવા હતા અને બૂટ પર કાદવ લાગેલો હતો, જાણે તેઓ મજૂરી કામ કરતા હોય.
- બેંકની બહાર ચાલી રહેલા ખોદકામના કામમાં રોકાયેલા મજૂરોની સંડોવણી હોવાની શંકા સેવાઈ રહી છે, કારણ કે એક આરોપી અગાઉ ખાતું ખોલાવવાના બહાને બેંકમાં દેખાયો હતો.
Surat SBI Robbery: પોલીસનો તપાસનો ધમધમાટ
- મહારાષ્ટ્રમાં ધામા: ક્રાઈમ બ્રાન્ચની ટીમોએ મહારાષ્ટ્રમાં તપાસ તેજ કરી છે.
- રાજ્યોમાં એલર્ટ: યુપી, બિહાર, એમપી અને દિલ્હી પોલીસની પણ મદદ લેવામાં આવી રહી છે.
- ટ્રેકિંગ: સીસીટીવીના આધારે લૂંટારાઓ વાલક જંક્શનથી સાયણ તરફ ગયા હોવાનું ટ્રેક થયું છે.
હાલમાં ક્રાઈમ બ્રાન્ચના 5 PI અને 10 PSI સહિતની 8 ટીમો રાઉન્ડ ધ ક્લોક સર્ચ ઓપરેશન ચલાવી રહી છે, પરંતુ હજુ સુધી કોઈ મુખ્ય કડી હાથ લાગી નથી.
વધુ સમાચાર વાંચવા માટે અંહી ક્લિક કરો
