SSG Hospital Negligence: વડોદરાની સયાજી હોસ્પિટલ ફરી એકવાર વિવાદના ઘેરામાં આવી છે. કોલ્ડરૂમમાં રાખવામાં આવેલો એક વૃદ્ધાનો મૃતદેહ માત્ર બે દિવસમાં ડીકમ્પોઝ (સડી જવાની હાલત) થઈ જતાં હોસ્પિટલ તંત્રની મોટી બેદરકારી સામે આવી છે. માતાના અંતિમ સંસ્કાર માટે અમેરિકાથી આવેલા પુત્ર અને પુત્રવધૂએ આ કરૂણ સ્થિતિ જોઈને હોસ્પિટલમાં ભારે આક્રોશ વ્યક્ત કર્યો હતો.
SSG Hospital Negligence: શું છે સમગ્ર મામલો?
- મૃતકની ઓળખ: વડોદરાના સરદાર ભવન વિસ્તારમાં રહેતા 70 વર્ષીય રંજનબેન હેતકુમાર વ્યાસ.
- ઘટનાક્રમ: ગત 27 તારીખે તબિયત બગડતા રંજનબેનનું ખાનગી હોસ્પિટલમાં અવસાન થયું હતું. તેમના પુત્ર-પુત્રવધૂ અમેરિકાથી આવવાના હોવાથી, પરિવારજનોએ મૃતદેહને સાચવવા માટે સયાજી હોસ્પિટલના કોલ્ડરૂમમાં રાખ્યો હતો.
- આઘાતજનક સ્થિતિ: આજે સવારે 8:30 વાગ્યે જ્યારે પરિવાર મૃતદેહ લેવા પહોંચ્યો, ત્યારે આખી બોડી ડીકમ્પોઝ થઈ ગઈ હતી.
SSG Hospital Negligence: ડ્રોવર બદલાયા અને લાશ રઝળી!
પરિવારજનોએ હોસ્પિટલ સ્ટાફ પર ગંભીર આક્ષેપો કર્યા છે:
- ખોટું ડ્રોવર: પરિવારના જણાવ્યા મુજબ, મૃતદેહને ડ્રોવર નંબર 1 માં મૂકવાને બદલે ભૂલથી ડ્રોવર નંબર 3 માં મૂકી દેવાયો હતો.
- શોધખોળ: જે ડ્રોવરમાં રંજનબેનનો મૃતદેહ હોવો જોઈએ ત્યાં અન્ય કોઈની બોડી મળી આવી હતી. ભારે શોધખોળ બાદ રંજનબેનનો મૃતદેહ બીજા ડ્રોવરમાંથી મળી આવ્યો હતો.
- બેદરકારીની પરાકાષ્ઠા: ડ્રોવર બદલાઈ જવાને કારણે અથવા કોલ્ડરૂમની ટેકનિકલ ખામીને લીધે બોડી સંપૂર્ણ બગડી ગઈ હતી.
SSG Hospital Negligence: “ઘરે લઈ જઈ શકાય તેમ નથી, સીધા સ્મશાન જવું પડશે”
અમેરિકાથી માતાના મોઢું જોવા આવેલા પુત્ર અને પરિવારે રડતા અવાજે ન્યાયની માંગ કરી છે. તેમણે જણાવ્યું કે સ્ટાફની બેદરકારીને કારણે હવે તેઓ મૃતદેહને અંતિમ દર્શન માટે ઘરે પણ લઈ જઈ શકે તેમ નથી અને સીધો સ્મશાન લઈ જવાની ફરજ પડી છે.
વધુ સમાચાર વાંચવા માટે અંહી ક્લિક કરો
