Horrific Mishap in Gondal: રાજકોટ-જેતપુર નેશનલ હાઈવે પર આવેલી ગુંદાળા ચોકડી પાસે ગત રાત્રે એક ગમખ્વાર અકસ્માત સર્જાયો હતો. ચાલુ ગાડીએ ટાયર ફાટતા સર્જાયેલી આ દુર્ઘટનામાં બે શ્રમિકોએ જીવ ગુમાવ્યા છે, જ્યારે ચાર અન્ય શ્રમિકો ગંભીર રીતે ઇજાગ્રસ્ત થયા છે.
Horrific Mishap in Gondal: અકસ્માતની વિગત: કેવી રીતે બની ઘટના?
મળતી માહિતી મુજબ, એક બોલેરો પીકઅપ ગાડી રાજકોટથી જેતપુર તરફ જઈ રહી હતી. આ ગાડીમાં માછીમારીની જાળ અને પાંચ જેટલા ગેસના ખાલી સિલિન્ડર ભરેલા હતા. ભયજનક બાબત એ હતી કે આ સામાનની ઉપર આશરે 15 જેટલા શ્રમિકો સૂતા હતા.
જ્યારે ગાડી ગુંદાળા ચોકડી ઓવરબ્રિજ પરથી પસાર થઈ રહી હતી, ત્યારે અચાનક તેનું ટાયર ફાટ્યું હતું. ટાયર ફાટતાની સાથે જ ચાલકે ગાડી પરનો કાબૂ ગુમાવ્યો હતો અને પીકઅપ જોરદાર ધડાકા સાથે બ્રિજની સંરક્ષણ દીવાલ સાથે અથડાઈને પલટી મારી ગઈ હતી. ટક્કર એટલી પ્રચંડ હતી કે ઉપર સૂતેલા શ્રમિકો ફંગોળાઈને સીધા રોડ પર પટકાયા હતા.
Horrific Mishap in Gondal: જાનહાનિ અને ઇજાગ્રસ્તો
આ કરૂણ અકસ્માતમાં બે શ્રમિકોના મોત નિપજ્યા છે:
- રીતેષ સહની
- એક અજાણ્યો શ્રમિક
Horrific Mishap in Gondal: ગંભીર ઇજાગ્રસ્તો:
- ગુલાબ રામબલી સહની
- શની અજય સહની
- વિકાસકુમાર મીતલેશ સહની
- ચંદન નરેશ માજી
ઇજાગ્રસ્તો પૈકી એક શ્રમિકની હાલત અત્યંત નાજુક હોવાથી તેને વધુ સારવાર માટે ખાનગી હોસ્પિટલમાં ખસેડવામાં આવ્યો છે.
સ્થાનિકોએ દાખવી માનવતા
અકસ્માત સર્જાતા જ આસપાસના લોકો તાત્કાલિક ઘટનાસ્થળે દોડી આવ્યા હતા. લોકોએ 108 એમ્બ્યુલન્સની રાહ જોયા વગર જ ખાનગી વાહનો મારફતે ઇજાગ્રસ્તોને ગોંડલ સિવિલ હોસ્પિટલ પહોંચાડી માનવતાનું ઉત્તમ ઉદાહરણ પૂરું પાડ્યું હતું. હાલ હોસ્પિટલ ખાતે ઇજાગ્રસ્તોના પરિવારજનોની ભારે ભીડ જોવા મળી રહી છે.
પોલીસે આ મામલે અકસ્માતનો ગુનો નોંધીને વધુ કાયદેસરની તપાસ હાથ ધરી છે. માલવાહક ગાડીમાં જોખમી રીતે શ્રમિકોને બેસાડવા કે સુવડાવવા ફરી એકવાર જીવલેણ સાબિત થયા છે.
વધુ સમાચાર વાંચવા માટે અંહી ક્લિક કરો
