Monsoon 2026: ગુજરાતમાં હાલ સૂર્યદેવ આકરા પાણીએ છે અને પારો 40 ડિગ્રીને પાર પહોંચ્યો છે, ત્યારે ગરમીમાં શેકાતા લોકો માટે આશાના કિરણ સમાન સમાચાર સામે આવ્યા છે. આ વર્ષે દક્ષિણ-પશ્ચિમ ચોમાસું તેના નિર્ધારિત સમય કરતાં વહેલું દસ્તક દે તેવી પ્રબળ શક્યતા છે.
Monsoon 2026: મે મહિનાના અંતમાં જ ચોમાસાનું આગમન?
યુરોપિયન સેન્ટર ફોર મીડિયમ-રેન્જ વેધર ફોરકાસ્ટ્સ (ECMWF) ના નવા ડેટા મુજબ:
- આંદામાન-નિકોબાર: 18 થી 25 મે વચ્ચે ચોમાસું આ ટાપુઓ પર પહોંચી શકે છે.
- કેરળ: 25 મેની આસપાસ કેરળમાં ચોમાસાનું આગમન થઈ શકે છે.
- વહેલા આગમનનું કારણ: આ વર્ષે ‘અલ નીનો’ની સ્થિતિ નબળી હોવાથી અને પોઝિટિવ ‘ઇન્ડિયન ઓશન ડાયપોલ’ને કારણે ચોમાસું વહેલું શરૂ થવાના સંકેતો છે.
Monsoon 2026: અંબાલાલ પટેલની આગાહી: ગરમી વચ્ચે વરસાદી આફત!
પ્રખ્યાત હવામાનશાસ્ત્રી અંબાલાલ પટેલે ચોંકાવનારી આગાહી કરતા જણાવ્યું છે કે, ભલે ચોમાસું વહેલું આવે પરંતુ તે પહેલાં ખેડૂતોએ કમોસમી વરસાદનો સામનો કરવો પડી શકે છે.
- 28 એપ્રિલથી મેની શરૂઆત: પશ્ચિમી વિક્ષેપ (Western Disturbance) ને કારણે રાજ્યના કેટલાક ભાગોમાં પવન અને ગાજવીજ સાથે કરા પડી શકે છે.
- પ્રી-મોન્સૂન એક્ટિવિટી: મે મહિનામાં રાજ્યમાં પ્રી-મોન્સૂન એક્ટિવિટી જોર પકડશે. અચાનક ગાજવીજ સાથે વરસાદ પડતા ઉનાળામાં ચોમાસા જેવો માહોલ સર્જાશે.
ખેડૂતો માટે સૂચના
એક તરફ વહેલા ચોમાસાના સમાચારથી વાવણીની આશા જાગી છે, તો બીજી તરફ મે મહિનામાં કરા અને પવન સાથેના વરસાદની આગાહીથી તૈયાર પાકને નુકસાન થવાની ભીતિ પણ છે. ખેડૂતોને પોતાના માલ-સામાન અને પાકની સુરક્ષા માટે અત્યારથી જ સાવચેત રહેવા જણાવાયું છે.
વધુ સમાચાર વાંચવા માટે અંહી ક્લિક કરો
