US Midterm Polls 2026: અમેરિકામાં યોજાનારી આગામી મિડ-ટર્મ ચૂંટણીઓ પહેલાં રાષ્ટ્રપ્રમુખ ડોનાલ્ડ ટ્રમ્પ માટે ખતરાની ઘંટડી વાગી રહી છે. રોઇટર્સ-ઇપ્સોસ અને એપી (AP) સહિતની એજન્સીઓના તાજેતરના ઓપિનિયન પોલ્સ અનુસાર, ટ્રમ્પનું એપ્રૂવલ રેટિંગ ઘટીને 33% થી 36% ની વચ્ચે આવી ગયું છે. આ આંકડો તેમની અત્યાર સુધીની કારકિર્દીના સૌથી નીચલા સ્તરો પૈકીનો એક છે, જે સૂચવે છે કે આગામી ચૂંટણીમાં મોટા ઉલટફેર થઈ શકે છે.
US Midterm Polls 2026: મોંઘવારી અને અર્થતંત્ર સૌથી મોટો પડકાર
અમેરિકન મતદારોમાં સૌથી વધુ અસંતોષ દેશની આર્થિક સ્થિતિને લઈને જોવા મળી રહ્યો છે.
- નબળું અર્થતંત્ર: 10 માંથી 7 અમેરિકનોનું માનવું છે કે દેશ ખોટી દિશામાં જઈ રહ્યો છે.
- કોસ્ટ ઓફ લિવિંગ: જીવનનિર્વાહના વધતા ખર્ચ સામે 76% લોકોએ અસંતોષ વ્યક્ત કર્યો છે.
- ટ્રમ્પના અર્થતંત્રના નિર્ણયોને માત્ર 30% લોકોનું સમર્થન મળ્યું છે, જે અગાઉના મહિનાઓની સરખામણીએ મોટો ઘટાડો દર્શાવે છે.
US Midterm Polls 2026: ઈરાન સંઘર્ષની વિદેશ નીતિ પર અસર
વિદેશ નીતિના મોરચે પણ ટ્રમ્પ વહીવટીતંત્ર મુશ્કેલીમાં છે. ઈરાન સાથેના વધી રહેલા તણાવ અને સૈન્ય કાર્યવાહીના વલણને મોટાભાગના અમેરિકનોએ નકારી દીધું છે.
- 67% અમેરિકનો ઈરાન મુદ્દે ટ્રમ્પની નીતિથી અસંમત છે.
- 61% લોકો માને છે કે હવે ઈરાનમાં કોઈ નવી સૈન્ય કાર્યવાહી થવી જોઈએ નહીં.
US Midterm Polls 2026: ડિપોર્ટેશન પોલિસી બની શકે છે ‘બેકફાયર’
ટ્રમ્પની કડક ઇમિગ્રેશન અને ડિપોર્ટેશન નીતિ રિપબ્લિકન પાર્ટીના ઉમેદવારો માટે મુશ્કેલી ઊભી કરી શકે છે. સર્વે મુજબ, 52% મતદારો એવા ઉમેદવારને વોટ આપવા માંગતા નથી જે આ કડક નીતિનું સમર્થન કરતા હોય. ખાસ કરીને ઇન્ડિપેન્ડન્ટ (અપક્ષ) મતદારોમાં આ મુદ્દે ભારે રોષ જોવા મળી રહ્યો છે.
US Midterm Polls 2026: ટ્રમ્પ માટે આશાનું કિરણ: કોર વોટર બેઝ અકબંધ
આટલા નકારાત્મક પોલ્સ છતાં ટ્રમ્પ માટે હજુ પણ કેટલીક બાબતો હકારાત્મક છે:
- પાર્ટી સમર્થન: રિપબ્લિકન પાર્ટીના 83% સમર્થકો હજુ પણ ટ્રમ્પની સાથે મજબૂતીથી ઉભા છે.
- વોટર આઈડી મુદ્દો: વોટર આઈડી અને નાગરિકતાના પુરાવા ફરજિયાત કરવાના ટ્રમ્પના નિર્ણયને 75% અમેરિકનો ટેકો આપી રહ્યા છે.
ચૂંટણીના મુખ્ય મુદ્દાઓ અને લોકોની પ્રાથમિકતા:
| મુદ્દો | મહત્વ (ટકાવારીમાં) |
| અર્થતંત્ર અને મોંઘવારી | 29% |
| લોકશાહી સામેના જોખમો | 24% |
| હેલ્થકેર (આરોગ્ય) | 12% |
| ગુનાખોરી | 10% |
વધુ સમાચાર વાંચવા માટે અંહી ક્લિક કરો
