Strait of Hormuz Blockade: વૈશ્વિક સ્તરે અમેરિકા અને ઈરાન વચ્ચે વધતા ભૌગોલિક-રાજકીય તણાવને કારણે ક્રૂડ ઓઇલના ભાવમાં ભડકો જોવા મળી રહ્યો છે. આંતરરાષ્ટ્રીય બજારમાં ક્રૂડ ઓઇલની કિંમત પ્રતિ બેરલ 100 ડોલરની નજીક પહોંચી ગઈ છે, જેના કારણે ભારત સહિત વિશ્વભરમાં પેટ્રોલ-ડીઝલના ભાવ વધવાની આશંકા સેવવામાં આવી રહી છે.
Strait of Hormuz Blockade: ક્રૂડ ઓઇલના ભાવમાં તેજી
આંતરરાષ્ટ્રીય બજારમાં બ્રેન્ટ ક્રૂડ ફ્યુચર્સનો ભાવ 0.82% વધીને 99.29 ડોલર અને ડબલ્યુટીઆઈ (WTI) ક્રૂડનો ભાવ 1.15% વધીને 90.71 ડોલર પર પહોંચી ગયો છે. જોકે, ભારતીય બજારમાં એમસીએક્સ (MCX) પર ક્રૂડ ઓઇલ ફ્યુચર્સમાં 1.46% નો ઘટાડો જોવા મળ્યો હતો, પરંતુ વૈશ્વિક ભાવ વધારો લાંબે ગાળે ભારત માટે ચિંતાનો વિષય બની શકે છે.
Strait of Hormuz Blockade: હોર્મુઝ સ્ટ્રેટ પર શિપિંગ પ્રવૃત્તિ ઠપ્પ
આ ભાવવધારા પાછળનું મુખ્ય કારણ હોર્મુઝ સ્ટ્રેટ (Strait of Hormuz) પર જહાજોની અવરજવર બંધ હોવાનું માનવામાં આવે છે.
- ટ્રમ્પની જાહેરાત: અમેરિકન પ્રમુખ ડોનાલ્ડ ટ્રમ્પે ઈરાન સાથેના યુદ્ધવિરામ અંગે કોઈ ચોક્કસ સમયમર્યાદા નક્કી ન કરતા અને નૌકાદળની નાકાબંધી યથાવત રાખતા બજારમાં અનિશ્ચિતતા વધી છે.
- આર્થિક નુકસાન: ટ્રમ્પના દાવા મુજબ, ઈરાનને દરરોજ 50 કરોડ ડોલરનું નુકસાન થઈ રહ્યું છે. હાલમાં આ વ્યૂહાત્મક માર્ગ પર છેલ્લા 24 કલાકમાં જહાજોની અવરજવર નહિવત નોંધાઈ છે.
Strait of Hormuz Blockade: ભારતીય શેરબજારમાં મોટું ગાબડું
વૈશ્વિક અનિશ્ચિતતાની સીધી અસર ભારતીય શેરબજાર પર પણ જોવા મળી છે.
- સેન્સેક્સ: આશરે 521 પોઈન્ટ ગગડીને 78,748 પર પહોંચ્યો.
- નિફ્ટી: 128 પોઈન્ટના ઘટાડા સાથે 24,448 પર ટ્રેડ કરી રહ્યો હતો.
ઓઇલના વધતા ભાવ અને યુદ્ધ જેવી સ્થિતિને કારણે રોકાણકારો હાલમાં સાવચેતીભર્યું વલણ અપનાવી રહ્યા છે. જો ક્રૂડ ઓઇલના ભાવ સતત વધતા રહેશે, તો આવનારા દિવસોમાં સામાન્ય જનતા પર મોંઘવારીનો વધુ એક બોજ પડી શકે છે.
વધુ સમાચાર વાંચવા માટે અંહી ક્લિક કરો
