India-South Korea Ties: વૈશ્વિક રાજનીતિ અને સુરક્ષાના સમીકરણો બદલાઈ રહ્યા છે. દક્ષિણ કોરિયાના પ્રમુખ લી જે-મ્યુન્ગે ભારત સાથેના સંબંધોને એક નવી ઉંચાઈએ લઈ જવાની મજબૂત ઈચ્છા શક્તિ વ્યક્ત કરી છે. ખાસ કરીને મધ્ય પૂર્વમાં વધતા તણાવ વચ્ચે હોર્મુઝની સુરક્ષા અને ઊર્જા સંકટને ટાળવા માટે તેમણે ભારતનો સહયોગ માંગ્યો છે.
India-South Korea Ties: હોર્મુઝ સ્ટ્રેટ: શા માટે ચિંતાનો વિષય?
દક્ષિણ કોરિયાના પ્રમુખે ચેતવણી આપી છે કે જો અમેરિકા અને ઈરાન વચ્ચેના વિવાદને કારણે હોર્મુઝ સ્ટ્રેટનો દરિયાઈ માર્ગ બંધ થાય, તો સમગ્ર વિશ્વમાં તેલના ભાવ આસમાને પહોંચી શકે છે. ભારત અને દક્ષિણ કોરિયા બંને પોતાની ઊર્જા જરૂરિયાતો માટે આ માર્ગ પર નિર્ભર છે, તેથી આંતરરાષ્ટ્રીય સપ્લાય ચેઈન જાળવી રાખવા બંને દેશોનું સાથે આવવું અનિવાર્ય છે.
India-South Korea Ties: આર્ટિફિશિયલ ઇન્ટેલિજન્સ અને ડિફેન્સમાં મોટી ભાગીદારી
માત્ર તેલ કે સુરક્ષા જ નહીં, પરંતુ ભવિષ્યની ટૅક્નોલૉજીમાં પણ બંને દેશો હાથ મિલાવશે:
- AI અને ઇલેક્ટ્રોનિક્સ: દક્ષિણ કોરિયાની અત્યાધુનિક ટૅક્નોલૉજી અને ભારતનું આઈટી કૌશલ્ય સાથે મળીને નવું મોડેલ તૈયાર કરશે.
- ડિફેન્સ અને શિપબિલ્ડિંગ: સંરક્ષણ ક્ષેત્રે પણ બંને દેશો વચ્ચે મોટા કરાર થવાની શક્યતા છે.
- ખાણકામ (Mining): ખનિજ સંસાધનો અને રિફાઈનિંગ ઉદ્યોગમાં દક્ષિણ કોરિયા ભારતની મદદથી નવી સપ્લાય ચેઈન ઉભી કરવા માંગે છે.
નવી ઉર્જા ભાગીદારી
પ્રમુખ લીએ જણાવ્યું હતું કે ઊર્જા સુરક્ષા માટે હવે માત્ર મધ્ય પૂર્વ પર નિર્ભર રહેવાને બદલે સપ્લાય ચેઈનમાં વિવિધતા લાવવી જરૂરી છે. દક્ષિણ કોરિયા હવે ભારત સાથે ખનિજ અને અન્ય ઊર્જા ક્ષેત્રોમાં લાંબા ગાળાના પ્રોજેક્ટ્સ પર કામ કરવા આતુર છે.
વધુ સમાચાર વાંચવા માટે અંહી ક્લિક કરો
