Major Success for Sanand Police: બિહારના નવનિયુક્ત મુખ્યમંત્રી સમ્રાટ ચૌધરીને મોબાઈલ ફોન પર જાનથી મારી નાખવાની ધમકી આપવાના ચકચારી કેસમાં અમદાવાદની સાણંદ પોલીસે મોટી સફળતા મેળવી છે. બિહાર પોલીસના ઈનપુટ્સને આધારે કાર્યવાહી કરીને સાણંદ પોલીસે આરોપીને સાણંદ-કડી રોડ પરથી દબોચી લીધો છે.
Major Success for Sanand Police: શું હતો સમગ્ર મામલો?
બિહારના મુખ્યમંત્રી સમ્રાટ ચૌધરીને થોડા સમય પહેલા એક અજ્ઞાત શખ્સ દ્વારા ફોન પર જાનથી મારી નાખવાની ધમકી આપવામાં આવી હતી. આ ગંભીર મામલે બિહારના મુંગેર જિલ્લાના સંગ્રામપુર પોલીસ સ્ટેશનમાં ગુનો નોંધવામાં આવ્યો હતો. હાઈપ્રોફાઈલ કેસ હોવાથી બિહાર પોલીસ ટેકનિકલ સર્વેલન્સની મદદથી આરોપીને શોધી રહી હતી, જેનું લોકેશન ગુજરાતના સાણંદમાં ટ્રેસ થયું હતું.
Major Success for Sanand Police: સાણંદ પોલીસે કેવી રીતે ઓપરેશન પાર પાડ્યું?
બિહાર પોલીસે આ અંગેની જાણ અમદાવાદ ગ્રામ્ય પોલીસને કરી હતી. સાણંદ પોલીસ સ્ટેશનના સર્વેલન્સ સ્ટાફે સતત બિહાર પોલીસના સંપર્કમાં રહીને મોબાઈલ નંબરના આધારે તપાસ તેજ કરી હતી. ચોક્કસ બાતમી અને લોકેશનના આધારે પોલીસે સાણંદ-કડી રોડ પર વોચ ગોઠવી હતી અને આરોપીને ઝડપી પાડ્યો હતો.
Major Success for Sanand Police: આરોપીની ઓળખ અને કબૂલાત
પોલીસ તપાસમાં પકડાયેલા આરોપીની વિગતો નીચે મુજબ છે:
- નામ: શેખર ક્રિષ્ના યાદવ (ઉંમર: 32 વર્ષ)
- વતન: ખરૌધા ગામ, બેલહર તાલુકો, જિલ્લો બાંકા, બિહાર.
- વ્યવસાય: તે સાણંદના નિધરાડ ગામ પાસે આવેલી ‘થાર ડ્રાયપોર્ટ’ કંપનીમાં જલારામ ટ્રાન્સપોર્ટની ગાડી પર મજૂરી/કામ કરતો હતો.
પોલીસની પ્રાથમિક પૂછપરછમાં શેખર યાદવે પોતાનો ગુનો કબૂલી લીધો છે. તેણે શા માટે મુખ્યમંત્રીને ધમકી આપી તે દિશામાં હવે વધુ તપાસ હાથ ધરવામાં આવશે.
બિહાર પોલીસને સોંપવામાં આવ્યો
સાણંદ પોલીસે આરોપીની અટકાયત કરી તેને રાઉન્ડ-અપ કર્યો હતો. ત્યારબાદ કાયદાકીય પ્રક્રિયા પૂર્ણ કરી, બિહાર પોલીસની ટીમ ગુજરાત આવી પહોંચતા આરોપીનો કબજો તેમને સોંપવામાં આવ્યો છે. ટ્રાન્ઝિટ રિમાન્ડ મેળવીને તેને વધુ પૂછપરછ માટે બિહાર લઈ જવામાં આવશે.
વધુ સમાચાર વાંચવા માટે અંહી ક્લિક કરો
