Ahmedabad Police Under Fire: સ્માર્ટ સિટી અમદાવાદમાં સુરક્ષા અને શિસ્તના દાવાઓ વચ્ચે ખાખી ફરી એકવાર કલંકિત થઈ છે. મધ્યપ્રદેશના જાણીતા કરિયર કોચ પંકજસિંહ પરિહાર સાથે અમદાવાદ પોલીસે કરેલી ગેરવર્તણૂકનો મામલો ગરમાયો છે. સોશિયલ મીડિયા પર આ પીડા વ્યક્ત કરવામાં આવતા હવે ઉચ્ચ પોલીસ અધિકારીઓએ તપાસના આદેશ આપ્યા છે.
Ahmedabad Police Under Fire: બળજબરીથી ફોન લીધો અને પર્સનલ મેસેજ ચેક કર્યા
ઘટનાની વિગત મુજબ, પંકજસિંહ પરિહાર અમદાવાદમાં કામ પતાવીને પરત ફરી રહ્યા હતા ત્યારે CTM એક્સપ્રેસવે પાસે પોલીસ ચેકપોઇન્ટ પર તેમને રોકવામાં આવ્યા હતા. પંકજસિંહે આક્ષેપ કર્યો છે કે:
- પોલીસે તેમનો મોબાઈલ ફોન આંચકી લીધો હતો.
- પરવાનગી વગર ગેલેરી અને પર્સનલ વોટ્સએપ મેસેજ તપાસ્યા હતા.
- તેમને રસ્તા પર લગભગ 1 કલાક સુધી ઉભા રાખી માનસિક રીતે ટોર્ચર કરવામાં આવ્યા હતા.
Ahmedabad Police Under Fire: કબૂતરબાજીનો ખોટો આરોપ અને ‘ચા-પાણી’ની માંગણી
પંકજસિંહે વધુમાં સનસનાટીભર્યા આક્ષેપ કરતા જણાવ્યું કે, તેમના સાથીદારની ડાયરી તપાસી પોલીસે કોઈ પણ જાતના પુરાવા વગર તેમને ‘કબૂતરબાજી’ (હ્યુમન ટ્રાફિકિંગ) ના રેકેટમાં સંડોવાયેલા હોવાનું કહી ધમકાવ્યા હતા. આ મામલો થાળે પાડવા માટે પોલીસકર્મીઓએ ખુલ્લેઆમ ‘ચા-પાણી’ એટલે કે લાંચની માંગણી કરી હતી. એક પ્રતિષ્ઠિત વ્યક્તિ સાથે રીઢા ગુનેગાર જેવું વર્તન થતા તેમણે સોશિયલ મીડિયાના માધ્યમથી ન્યાયની ગુહાર લગાવી છે.
Ahmedabad Police Under Fire: એક્શન મોડમાં પોલીસ: DCP કક્ષાના અધિકારીને તપાસ
આ ગંભીર આક્ષેપો બાદ અમદાવાદ પોલીસ વિભાગમાં ફફડાટ વ્યાપી ગયો છે. શહેર પોલીસની છબી ખરડાતા ઉચ્ચ અધિકારીઓએ તાત્કાલિક પગલાં લીધા છે:
- સમગ્ર કેસની તપાસ સાયબર ક્રાઈમના DCP ને સોંપવામાં આવી છે.
- ઘટના સ્થળના સીસીટીવી અને અન્ય પુરાવાઓની તપાસ કરવામાં આવશે.
- દોષિત પોલીસકર્મીઓ સામે કડક ખાતાકીય કાર્યવાહી કરવાની ખાતરી આપવામાં આવી છે.
“એક તરફ પોલીસ પ્રજાનો મિત્ર હોવાનો દાવો કરે છે, ત્યારે બીજી તરફ પરપ્રાંતિય મુસાફરો સાથે આવું વર્તન પ્રશ્નાર્થ ચિહ્નો ઉભા કરે છે.”
વધુ સમાચાર વાંચવા માટે અંહી ક્લિક કરો
ગુજરાતમાં ગરમીનો પ્રકોપ રાજકોટ 41.9°C સાથે રાજ્યનું સૌથી ગરમ શહેર, જાણો ક્યારે મળશે ગરમીથી રાહત
