India-Dubai Air Routes in Turmoil: મધ્ય પૂર્વમાં ઈરાન અને અમેરિકા વચ્ચે વધતા તણાવની સીધી અસર હવે હવાઈ મુસાફરી પર જોવા મળી રહી છે. દુબઈ સરકારે અચાનક વિદેશી એરલાઈન્સ માટે ફ્લાઈટ ઓપરેશનના નિયમો કડક બનાવતા ભારતીય એરલાઈન્સ કંપનીઓ મુશ્કેલીમાં મુકાઈ છે. નવા નિયમ મુજબ, વિદેશી એરલાઈન્સ હવે દિવસની માત્ર એક જ ફ્લાઈટ દુબઈ મોકલી શકશે, જેની સૌથી વધુ અસર ભારત-દુબઈ રૂટ પર થવાની છે.
India-Dubai Air Routes in Turmoil: શું છે ‘વન રોટેશન પર ડે’ નિયમ?
દુબઈ એરપોર્ટ પ્રશાસને એરલાઈન્સને મોકલેલા સત્તાવાર ઈમેલ મુજબ, 20 એપ્રિલથી 31 મે સુધી તમામ વિદેશી એરલાઈન્સ માટે ‘વન રોટેશન પર ડે’નો નિયમ લાગુ કરવામાં આવ્યો છે. એટલે કે, કોઈપણ એરલાઈન દિવસમાં માત્ર એક જ વાર દુબઈ આવી શકશે અને ત્યાંથી પરત જઈ શકશે. આ નિર્ણય પાછળ ઈરાન સંકટને જવાબદાર ગણાવવામાં આવ્યું છે.
India-Dubai Air Routes in Turmoil: ભારતીય એરલાઈન્સના સમીકરણો બગડ્યા
દુબઈ ભારત માટે સૌથી મોટું આંતરરાષ્ટ્રીય માર્કેટ છે. વર્ષ 2025ના આંકડા મુજબ, આશરે 1.19 કરોડ ભારતીયોએ દુબઈની મુસાફરી કરી હતી.
- એર ઈન્ડિયા એક્સપ્રેસ: એપ્રિલ-મે મહિનામાં 750 થી વધુ ફ્લાઈટોનું આયોજન કર્યું હતું.
- ઈન્ડિગો: 481 ફ્લાઈટો ઉડાવવાની યોજના હતી.
- હવે આ નિયમ બાદ, કંપનીઓ મહિનામાં માત્ર 30 થી 31 ફ્લાઈટો જ ઓપરેટ કરી શકશે, જેના કારણે કરોડો રૂપિયાનું બુકિંગ રદ કરવું પડી શકે છે.
India-Dubai Air Routes in Turmoil: માત્ર વિદેશી એરલાઈન્સ પર જ પ્રતિબંધ કેમ?
આ વિવાદનું મુખ્ય કારણ એ છે કે દુબઈએ આ પ્રતિબંધ માત્ર વિદેશી એરલાઈન્સ પર લાદ્યો છે. દુબઈની પોતાની એરલાઈન્સ જેવી કે Emirates અને FlyDubai પર આવો કોઈ નિયમ નથી. તેઓ તેમની સંપૂર્ણ ક્ષમતા સાથે ફ્લાઈટ ચલાવી રહ્યા છે. આ ભેદભાવભર્યા વલણ સામે ભારતીય એરલાઈન્સ સંગઠને ભારે નારાજગી વ્યક્ત કરી છે.
India-Dubai Air Routes in Turmoil: ‘જેવા સાથે તેવા’ની નીતિ અપનાવવા માંગ
ભારતીય એરલાઈન્સના સંગઠન FIA (Federation of Indian Airlines) એ 31 માર્ચે કેન્દ્ર સરકારને પત્ર લખીને હસ્તક્ષેપ કરવાની માંગ કરી છે. FIA એ પત્રમાં સ્પષ્ટ જણાવ્યું છે કે:
“જો દુબઈ આ ભેદભાવપૂર્ણ નિયમ પરત ન ખેંચે, તો ભારતે પણ ભારતમાં આવતી દુબઈની એરલાઈન્સ પર સમાન પ્રતિબંધો લાદવા જોઈએ.”
India-Dubai Air Routes in Turmoil: મુસાફરો પર શું અસર થશે?
- ટિકિટના ભાવમાં વધારો: ફ્લાઈટ્સની સંખ્યા ઘટતા ભારત-દુબઈ રૂટ પર હવાઈ ભાડામાં તોતિંગ વધારો થઈ શકે છે.
- બુકિંગ કેન્સલેશન: જેમણે અગાઉથી એપ્રિલ-મે માટે ટિકિટ બુક કરાવી છે, તેમની મુસાફરી પર અનિશ્ચિતતાના વાદળો છવાયા છે.
- વ્યાપારિક નુકસાન: વેપાર અને નોકરી અર્થે દુબઈ જતા લોકો માટે આ સમયગાળો ઘણો મુશ્કેલ બની રહેશે.
હવે જોવાનું એ રહેશે કે ભારત સરકાર આ મામલે દુબઈ સાથે કેવી રાજદ્વારી વાતચીત કરે છે અને શું ભારતીય એરલાઈન્સને આ મોટા આર્થિક ફટકાથી બચાવી શકાય છે કે નહીં.
વધુ સમાચાર વાંચવા માટે અંહી ક્લિક કરો
‘મારા દેશમાં વિદેશીઓ માટે મફત સારવાર અશક્ય’ સુરતની સરકારી હોસ્પિટલની સેવા જોઈ જર્મન ટ્રાવેલર દંગ
