Major Relief for Global Trade: પશ્ચિમ એશિયામાં ઈઝરાયેલ અને અમેરિકા સાથે ચાલી રહેલા ભીષણ તણાવ વચ્ચે ઈરાને વિશ્વની સૌથી મહત્વપૂર્ણ દરિયાઈ લાઈફલાઈન ગણાતા ‘સ્ટ્રેટ ઓફ હોર્મુઝ’ (Strait of Hormuz) ને લઈને અત્યંત મહત્વનો નિર્ણય લીધો છે. ઈરાને આ વ્યસ્ત દરિયાઈ માર્ગમાંથી જરૂરી સામાન લઈને પસાર થતા જહાજો માટે નવા નિયમો જાહેર કર્યા છે, જે વૈશ્વિક વેપાર માટે મોટી રાહત સાબિત થઈ શકે છે.
Major Relief for Global Trade: શું છે ઈરાનનો નવો આદેશ?
ઈરાન સરકારના જણાવ્યા અનુસાર, હવે આ સાંકડા દરિયાઈ માર્ગમાંથી એવા જહાજો પસાર થઈ શકશે જે ઈરાનના બંદરો તરફ જીવનજરૂરી ચીજવસ્તુઓ કે મહત્વનો સામાન લઈને જઈ રહ્યા હોય. જોકે, આ માટે ઈરાને કેટલીક શરતો પણ મૂકી છે:
- પરવાનગી અનિવાર્ય: કોઈપણ જહાજે આ માર્ગ ઓળંગતા પહેલા ઈરાની સત્તાવાળાઓનો સંપર્ક કરી મંજૂરી લેવી પડશે.
- મિત્ર દેશોને પ્રાથમિકતા: ભારત, ચીન, રશિયા, પાકિસ્તાન અને મલેશિયા જેવા દેશો, જેમને ઈરાન પોતાના હિતેચ્છુ માને છે, તેમના જહાજોને વિશેષ મર્યાદિત રાહત આપવામાં આવી છે.
- સુરક્ષિત પેસેજ: તાજેતરમાં જ ભારતના LPG ટેન્કરોને આ માર્ગ પરથી સુરક્ષિત રીતે પસાર થવા દેવામાં આવ્યા હતા, જે ભારત માટે રાહતના સમાચાર છે.
Major Relief for Global Trade: કેમ ‘હોર્મુઝ’ વિશ્વ માટે આટલું મહત્વનું છે?
સ્ટ્રેટ ઓફ હોર્મુઝ ભલે નકશા પર એક નાનકડી જગ્યા દેખાય, પરંતુ તે વૈશ્વિક અર્થતંત્રની કરોડરજ્જુ સમાન છે:
- તેલનો માર્ગ: દુનિયાનું દર 5માંથી 1 તેલનું જહાજ આ સામુદ્રધુનીમાંથી પસાર થાય છે.
- એશિયા-યુરોપની કડી: ફારસની ખાડીમાંથી નીકળતું ક્રૂડ ઓઈલ એશિયા અને યુરોપ સુધી પહોંચવા માટે આ એકમાત્ર કુદરતી માર્ગ છે.
- યુદ્ધની અસર: યુદ્ધ પહેલા અહીંથી દર મહિને અંદાજે 3,000 જહાજો પસાર થતા હતા. હાલમાં તણાવને કારણે આ અવરજવર 95% સુધી ઘટી ગઈ છે.
Major Relief for Global Trade: ટ્વિસ્ટ અને સુરક્ષાનો પડકાર
ઈરાને રાહત તો આપી છે પરંતુ તે માત્ર ‘જરૂરી સામાન’ અને ‘મિત્ર દેશો’ પૂરતી મર્યાદિત છે. અમેરિકા અને ઈઝરાયેલ સાથે સંકળાયેલા જહાજો માટે હજુ પણ જોખમ યથાવત છે. ઈરાનનો આ નિર્ણય વૈશ્વિક સ્તરે મોંઘવારી ઘટાડવા અને સપ્લાય ચેઈન ફરી શરૂ કરવા માટે એક વ્યૂહાત્મક પગલું માનવામાં આવે છે.
વધુ સમાચાર વાંચવા માટે અંહી ક્લિક કરો
ગુજરાતમાં માવઠાનો કહેર વીજળી પડતા બે નિર્દોષોના મોત, હજુ 3 દિવસ વરસાદની ઘાત
