Artemis-2 Update: માનવ ઇતિહાસમાં અવકાશ સંશોધનનો એક નવો અધ્યાય શરૂ થયો છે. નાસાનું આર્ટેમિસ-2 (Artemis-2) મિશન હવે પૃથ્વીની મર્યાદાઓ ઓળંગીને ચંદ્ર તરફ આગળ વધી રહ્યું છે. શુક્રવારે વહેલી સવારે 5:19 વાગ્યે ઓરિયન કેપ્સ્યુલે તેના શક્તિશાળી થ્રસ્ટર્સ ફાયર કર્યા અને સફળતાપૂર્વક પૃથ્વીની ભ્રમણકક્ષા છોડી દીધી છે.
Artemis-2 Update: શું છે ‘ટ્રાન્સલુનર ઇન્જેક્શન બર્ન’?
પૃથ્વીની ગુરુત્વાકર્ષણ શક્તિમાંથી બહાર નીકળી ચંદ્ર તરફ જવા માટે એન્જિન ફાયર કરવાની આ જટિલ પ્રક્રિયાને વૈજ્ઞાનિક ભાષામાં ‘ટ્રાન્સલુનર ઇન્જેક્શન બર્ન‘ કહેવામાં આવે છે. આ પ્રક્રિયા દરમિયાન:
- લગભગ 6 મિનિટ સુધી એન્જિન કાર્યરત રહ્યું.
- યાનની ગતિ વધીને 34,000 કિમી પ્રતિ કલાક (22,000 માઈલ/કલાક) થઈ ગઈ.
- હવે આગામી 4 દિવસ સુધી આ યાત્રીઓ અવકાશમાં સફર કરી ચંદ્રની નજીક પહોંચશે.
Artemis-2 Update: ન્યૂટનના નિયમ પર નિર્ભર છે સફર
હાલમાં આર્ટેમિસ-2 ‘ફ્રી-રિટર્ન ટ્રેજેક્ટરી‘ પર છે. આનો અર્થ એ છે કે યાન હવે ન્યૂટનના ગતિના પહેલા નિયમ (જડત્વનો નિયમ) મુજબ આગળ વધી રહ્યું છે. હવે આખી મુસાફરી દરમિયાન એન્જિનનો ઉપયોગ માત્ર દિશાના નાના-મોટા સુધારા માટે જ કરવામાં આવશે.
Artemis-2 Update: જોખમ: સહેજ પણ ચૂક અને સર્જાઈ શકે છે હોનારત
આ મિશનનો આ તબક્કો અત્યંત સંવેદનશીલ અને જોખમી છે. નિષ્ણાંતોના જણાવ્યા અનુસાર:
- અથડામણનું જોખમ: ગણતરીમાં સહેજ પણ ભૂલ યાનને ચંદ્રની સપાટી સાથે સીધું અથડાવી શકે છે.
- અનંત અવકાશ: જો દિશામાં સહેજ પણ ફેરફાર થાય, તો યાન ચંદ્રની ભ્રમણકક્ષામાં જવાને બદલે અનંત અવકાશમાં ભટકી શકે છે.
ઐતિહાસિક મિશનની શરૂઆત
યાદ અપાવી દઈએ કે 1 એપ્રિલના રોજ સવારે 4:05 વાગ્યે શક્તિશાળી ‘સ્પેસ લોન્ચ સિસ્ટમ’ (SLS) રોકેટ દ્વારા 4 અવકાશયાત્રીઓ રવાના થયા હતા. અત્યાર સુધીના ઇતિહાસમાં માત્ર 24 મનુષ્યો જ ચંદ્ર સુધી પહોંચી શક્યા છે, ત્યારે આ 4 યાત્રીઓ દાયકાઓ પછી આ પરાક્રમ દોહરાવવા જઈ રહ્યા છે.
વધુ સમાચાર વાંચવા માટે અંહી ક્લિક કરો
ગુજરાતમાં વસ્તી ગણતરી પર બ્રેક! સ્થાનિક સ્વરાજ્યની ચૂંટણીઓને પગલે સરકારનો મોટો નિર્ણય
