Census Operations on Hold: ગુજરાતમાં વહીવટી તંત્ર અત્યારે સંપૂર્ણપણે ચૂંટણી મોડમાં આવી ગયું છે. રાજ્યમાં આગામી 26 એપ્રિલના રોજ યોજાનારી સ્થાનિક સ્વરાજ્યની ચૂંટણીઓને ધ્યાનમાં રાખીને, રાજ્ય સરકારે વસ્તી ગણતરી (Census 2026-27)ની કામગીરી હાલ પૂરતી મોકૂફ રાખવાનો મોટો નિર્ણય લીધો છે.
Census Operations on Hold: ચૂંટણીના કારણે કેમ લેવાયો નિર્ણય?
ડાયરેક્ટર ઓફ સેન્સસ ઓપરેશન સુજલ મયાત્રાએ જણાવ્યું હતું કે, 5મી તારીખથી શરૂ થનારી વસ્તી ગણતરીની પ્રક્રિયા હવે ચૂંટણીઓ પૂર્ણ થયા બાદ હાથ ધરવામાં આવશે. આ નિર્ણય પાછળના મુખ્ય કારણો નીચે મુજબ છે:
- સ્ટાફની અછત: વસ્તી ગણતરી અને ચૂંટણી બંનેમાં મોટાભાગે શિક્ષકો અને મહેસૂલી કર્મચારીઓની જરૂર પડે છે. હાલ લાખો કર્મચારીઓ ચૂંટણી ડ્યુટીમાં રોકાયેલા હોવાથી વસ્તી ગણતરી માટે સ્ટાફ ફાળવવો મુશ્કેલ છે.
- આચારસંહિતા: રાજ્યમાં ચૂંટણીને કારણે આચારસંહિતા અમલી હોવાથી સરકારી તંત્રનું પૂરું ધ્યાન મતદાન પ્રક્રિયા અને કાયદો-વ્યવસ્થા પર છે.
Census Operations on Hold: સરકારનું સત્તાવાર જાહેરનામું
ગુજરાત સરકારના સામાન્ય વહીવટ વિભાગ દ્વારા આ અંગે ખાસ ગેઝેટ બહાર પાડવામાં આવ્યું છે:
- જૂનો આદેશ રદ: 2 ફેબ્રુઆરી, 2026ના રોજ બહાર પાડેલા વસ્તી ગણતરીના જાહેરનામાને તાત્કાલિક અસરથી રદ કરવામાં આવ્યો છે.
- કાયદાકીય જોગવાઈ: ‘ગુજરાત જનરલ ક્લોઝિસ એક્ટ, 1904’ ની કલમ 21 હેઠળ મળેલી સત્તાનો ઉપયોગ કરીને આ આદેશ જારી કરાયો છે.
હવે ક્યારે શરૂ થશે કામગીરી?
સૂત્રોના જણાવ્યા અનુસાર, મે મહિનામાં સ્થાનિક સ્વરાજ્યની ચૂંટણીના પરિણામો જાહેર થયા બાદ વસ્તી ગણતરીનું કામ નવા ટાઈમટેબલ સાથે ફરી શરૂ કરવામાં આવશે. શક્યતા છે કે આ કામગીરી ઉનાળુ વેકેશનના ગાળામાં અથવા ચોમાસું બેસે તે પહેલાં પૂર્ણ કરી લેવામાં આવશે.
રાજ્યની 15 મહાનગરપાલિકાઓ, જિલ્લા અને તાલુકા પંચાયતોના જંગ વચ્ચે વસ્તી ગણતરી પાછી ઠેલાતા વહીવટી પ્રક્રિયામાં મોટો ફેરફાર જોવા મળી રહ્યો છે
વધુ સમાચાર વાંચવા માટે અંહી ક્લિક કરો : ગુજરાતમાં કમોસમી વરસાદનું સંકટ ઉત્તર ગુજરાત અને સૌરાષ્ટ્ર-કચ્છમાં ભારે પવન સાથે વરસાદની આગાહી
