Shocking Accident on Ahmedabad’s SG Highway: શહેરના સૌથી વ્યસ્ત ગણાતા એસ.જી. હાઈવે પર આજે સવારે એક રૂંવાડા ઉભા કરી દે તેવો અકસ્માત સર્જાયો હતો. પકવાન બ્રિજ પર એક બેફામ લાલ રંગની ફોક્સવેગન કારના ચાલકે બાઈક સવારને ટક્કર માર્યા બાદ માનવતા નેવે મૂકી બાઈકને અડધો કિલોમીટર સુધી ઢસડ્યું હતું.
Shocking Accident on Ahmedabad’s SG Highway: શું હતી સમગ્ર ઘટના?
નરોડા-દહેગામ રોડ પર રહેતા કમલેશભાઈ ખાનિયા આજે સવારે પોતાની બાઈક પર નોકરીએ જઈ રહ્યા હતા. પકવાન બ્રિજ પર પાછળથી પૂરઝડપે આવતી ફોક્સવેગન કારે તેમને જોરદાર ટક્કર મારી હતી.
- વિચિત્ર અકસ્માત: ટક્કર વાગતા જ કમલેશભાઈ રોડ પર પટકાયા હતા, પરંતુ તેમનું બાઈક કારના આગળના બોનેટ અને બમ્પરના ભાગમાં ફસાઈ ગયું હતું.
- બેદરકારીની હદ: અકસ્માત સર્જાયા પછી કાર ઉભી રાખવાને બદલે ચાલકે કાર દોડાવી મૂકી હતી. ફસાયેલા બાઈક સાથે જ કાર અંદાજે 50 થી 60 મીટર સુધી ઘસડાતી રહી હતી.
Shocking Accident on Ahmedabad’s SG Highway: લોકોએ કારચાલકને મેથીપાક ચખાડ્યો
આ દ્રશ્ય જોઈને આસપાસના વાહનચાલકો સ્તબ્ધ થઈ ગયા હતા. અન્ય એક વાહનચાલકે આ આખી ઘટનાનો વીડિયો ઉતાર્યો હતો અને કારનો પીછો કરીને તેને ઉભી રખાવી હતી.
- કાર ઉભી રહ્યા બાદ ચાલક ફસાયેલું બાઈક કાઢીને ત્યાંથી ફરાર થવાની પેરવીમાં હતો, પરંતુ હાજર લોકોએ તેને બરાબરનો ખખડાવ્યો હતો.
- ઈજાગ્રસ્ત કમલેશભાઈને માથા અને શરીરના ભાગે ગંભીર ઈજાઓ પહોંચતા તાત્કાલિક સારવાર અર્થે ખસેડવામાં આવ્યા હતા.
Shocking Accident on Ahmedabad’s SG Highway: પોલીસ કાર્યવાહી
ઘટનાની જાણ થતા જSG 1 ટ્રાફિક પોલીસસ્થળ પર પહોંચી હતી. પોલીસે કારચાલક વિરુદ્ધ ગુનો નોંધવાની તજવીજ હાથ ધરી છે અને વાયરલ વીડિયોના આધારે વધુ તપાસ શરૂ કરી છે.
વધુ સમાચાર વાંચવા માટે અંહી ક્લિક કરો : જમ્મુ-કાશ્મીર વિધાનસભામાં ભારે હોબાળો ખામેનીના પોસ્ટર સાથે પ્રદર્શન, રાહુલ ગાંધીને ‘પપ્પુ’ કહેતા ધારાસભ્યો વચ્ચે મારામારી
