Injustice at Bopal Police Station: રાજ્યમાં જનતાના રક્ષક ગણાતી પોલીસનો વધુ એક નકારાત્મક ચહેરો સામે આવ્યો છે. અમદાવાદના બોપલ પોલીસ સ્ટેશનમાં ન્યાય મેળવવા ગયેલા એક આશિષ કોસ્ટી નામના યુવક (કંપનીના માલિક) સાથે PSI જયેશ કાલોતરાએ અત્યંત તોછડું અને અપમાનજનક વર્તન કર્યું હોવાની ઘટના બની છે. નવાઈની વાત એ છે કે, ઉચ્ચ અધિકારીએ પણ PSIની શિસ્ત સમજાવવાને બદલે તેમનો બચાવ કર્યો છે.
Injustice at Bopal Police Station: ઘટનાની વિગત: શું હતો આખો વિવાદ?
નિકોલ વિસ્તારમાં રહેતા આશિષ કોસ્ટી અને તેમના મિત્રો કોઈ ફંક્શનમાં થયેલી માથાકૂટ બાબતે ફરિયાદ નોંધાવવા બોપલ પોલીસ સ્ટેશન ગયા હતા. ફરિયાદ લખાવ્યા બાદ રાઈટરે તેમને બહાર રાહ જોવાનું કહ્યું હતું.
- મજબૂરી કે મસ્તી?: આશિષનું તાજેતરમાં જ ‘હિપ રિપ્લેસમેન્ટ’ (થાપાનું ઓપરેશન) થયું હોવાથી તેઓ લાંબો સમય ઊભા રહી શકતા નહોતા. તેથી તેઓ પોતાની જ કારના બોનેટ પર બેઠા હતા.
- PSIનું તોછડું વર્તન: સાદા કપડામાં રહેલા એક શખ્સે પહેલા તોછડાઈ કરી અને ત્યારબાદ PSI જયેશ કાલોતરાએ દૂરથી જ બૂમો પાડી આશિષને ‘લુખ્ખો’ કહીને અપમાનિત કર્યો.
Injustice at Bopal Police Station: પીડિત યુવકની વ્યથા: “હું 20 લોકોની કંપની ચલાવું છું, લુખ્ખો નથી”
આશિષ કોસ્ટીએ એક વીડિયો જાહેર કરીને પોતાની આપવીતી વર્ણવતા કહ્યું:
“મેં તેમને વિનમ્રતાથી કહ્યું કે મને પગમાં તકલીફ છે, પણ PSI સાહેબ ઉશ્કેરાઈ ગયા. તેમણે મને ધમકી આપી કે ‘બધાના નામ લખો, આ મારું પોલીસ સ્ટેશન છે, અહીં મારું જ ચાલશે’. હું પોતે એક કંપનીનો માલિક છું અને મારી નીચે 15-20 લોકો કામ કરે છે, છતાં પોલીસ મને લુખ્ખો કહીને જેલમાં પૂરવાની ધમકી આપી રહી હતી.”
Injustice at Bopal Police Station: તંત્રનો બચાવ: ‘પોલીસ સ્ટેશનમાં આ રીતે ન બેસાય’
આ મામલે જ્યારે અમદાવાદ ગ્રામ્ય SP ઓમ પ્રકાશ જાટને લેખિત ફરિયાદ કરવામાં આવી, ત્યારે તેમણે PSI સામે પગલાં લેવાને બદલે તેમનો પક્ષ ખેંચ્યો હતો. SPએ જણાવ્યું કે, “પોલીસ સ્ટેશનમાં યુવક ગાડી પર બેઠો હતો તે ખોટું છે, આ રીતે ન બેસવું જોઈએ.”
Injustice at Bopal Police Station: મુખ્ય મુદ્દાઓ જે ચર્ચા જગાવી રહ્યા છે:
- માનવતા વિરુદ્ધ શિસ્ત: શું ઓપરેશન કરાવેલ વ્યક્તિની શારીરિક મર્યાદા કરતા પોલીસ સ્ટેશનની ‘શિસ્ત’ વધુ મહત્વની છે?
- અપશબ્દોનો ઉપયોગ: શું કોઈ પણ સંજોગોમાં પોલીસ અધિકારી નાગરિક માટે ‘લુખ્ખા’ જેવા શબ્દો વાપરી શકે?
- ધમકાવવાની નીતિ: ફરિયાદ કરવા આવેલા નાગરિકને જ અંદર પૂરી દેવાની ધમકી આપવી કેટલી યોગ્ય?
જોકે, બાદમાં બંને પક્ષો વચ્ચે સમાધાન થઈ ગયું હોવાનું જાણવા મળ્યું છે, પરંતુ પોલીસના આ ‘દબંગ’ વર્તનને કારણે સોશિયલ મીડિયા પર લોકોમાં રોષ જોવા મળી રહ્યો છે.
વધુ સમાચાર વાંચવા માટે અંહી ક્લિક કરો
