Rajya Sabha Polls 2026:દેશના 10 રાજ્યોની 37 રાજ્યસભા બેઠકો માટે યોજાયેલી ચૂંટણીમાં NDA (નેશનલ ડેમોક્રેટિક એલાયન્સ) એ મોટી જીત હાંસલ કરી છે. કુલ 37 બેઠકોમાંથી NDA એ 22 બેઠકો પર વિજય મેળવ્યો છે, જ્યારે વિપક્ષના ફાળે 15 બેઠકો ગઈ છે. આ ચૂંટણીમાં NDA ને 10 બેઠકોનો સીધો ફાયદો થયો છે, જ્યારે વિપક્ષને એટલી જ બેઠકોનું નુકસાન વેઠવું પડ્યું છે.
Rajya Sabha Polls 2026: નીતિશ કુમારની વ્યૂહરચના સામે વિપક્ષી એકતા વેરવિખેર
બિહારમાં રાજ્યસભાની 5 બેઠકો પર NDA એ ક્લીન સ્વીપ કર્યું છે. હોર્સ ટ્રેડિંગ અને ધારાસભ્યોની ગેરહાજરીએ આખું ચિત્ર બદલી નાખ્યું:
- NDA ના વિજેતાઓ: સીએમ નીતિશ કુમાર, નીતિન નવીન (BJP), ઉપેન્દ્ર કુશવાહા, રામનાથ ઠાકુર અને શિવેશ રામ.
- વિપક્ષનો ઝટકો: RJD ના એડી સિંહ ચૂંટણી હારી ગયા. તેજસ્વી યાદવે ધારાસભ્યોને આખી રાત હોટલમાં રાખ્યા હોવા છતાં કોંગ્રેસના 3 અને RJD ના 1 ધારાસભ્ય મતદાન કરવા પહોંચ્યા જ નહીં, જેનો સીધો લાભ ભાજપને થયો.
Rajya Sabha Polls 2026:હરિયાણા: મધ્યરાત્રિએ જાહેર થયું પરિણામ, કોંગ્રેસની માંડ-માંડ જીત
હરિયાણાની 2 બેઠકો માટે થયેલું મતદાન ભારે વિવાદોમાં રહ્યું. મતોની ગુપ્તતા અને અમાન્ય મતોના હોબાળા બાદ મધ્યરાત્રિએ 1 વાગ્યે પરિણામ આવ્યું:
- ભાજપના સંજય ભાટિયા અને કોંગ્રેસના કર્મવીર બૌદ્ધ વિજેતા બન્યા.
- ભાજપ સમર્થિત અપક્ષ ઉમેદવાર સતીશ નાંદલ માત્ર 0.66 મતના નજીવા અંતરથી હારી ગયા.
- કોંગ્રેસના 5 ધારાસભ્યોએ ક્રોસ વોટિંગ કર્યું હતું, જેના કારણે પાર્ટીની સ્થિતિ કફોડી બની હતી.
Rajya Sabha Polls 2026:ઓડિશા: ભાજપ અને BJD વચ્ચે મારામારી
ઓડિશાની 4 બેઠકો પર પણ હાઈ વોલ્ટેજ ડ્રામા જોવા મળ્યો. ભુવનેશ્વરમાં મતદાન દરમિયાન BJD અને ભાજપના ધારાસભ્યો વચ્ચે ઝપાઝપી થઈ હતી:
- ભાજપ: મનમોહન સામલ અને સુજીત કુમાર વિજયી.
- NDA સમર્થિત અપક્ષ: દિલીપ રેની જીત.
- BJD: સંત્રુપ્તા મિશ્રા વિજયી થયા, જ્યારે દત્તેશ્વર હોતાને હારનો સામનો કરવો પડ્યો.
ચૂંટણીનું સરવૈયું:
| વિગત | બેઠકોની સંખ્યા |
| કુલ બેઠકો | 37 |
| બિનહરીફ ચૂંટાયા | 26 |
| NDA ની જીત | 22 (10 બેઠકોનો ફાયદો) |
| વિપક્ષની જીત | 15 (10 બેઠકોનું નુકસાન) |
આ પણ વાંચો :પાકિસ્તાની એરસ્ટ્રાઈકમાં કાબુલની હોસ્પિટલ તબાહ, 400નાં મોત; તાલિબાને કહ્યું- ‘આ માનવતા વિરુદ્ધનો અપરાધ’
