BengalElection2026 :પશ્ચિમ બંગાળમાં આગામી વિધાનસભા ચૂંટણી માટે રાજકીય ગરમાવો તેજ થયો છે. ભારતીય જનતા પાર્ટી (BJP) એ રવિવારે 144 ઉમેદવારોની પ્રથમ યાદી જાહેર કરીને મમતા બેનર્જીના ગઢમાં સીધો પડકાર ફેંક્યો છે. ભાજપે સુવેન્દુ અધિકારીને મુખ્યમંત્રી મમતા બેનર્જીની બંને પારંપરિક બેઠકો—નંદીગ્રામ અને ભવાનીપુર પરથી મેદાનમાં ઉતાર્યા છે.
BengalElection2026 :સુવેન્દુ વિરુદ્ધ મમતા: હાઈપ્રોફાઈલ જંગ
ભાજપે ફરી એકવાર સુવેન્દુ અધિકારી પર વિશ્વાસ મૂક્યો છે. યાદ રહે કે 2021ની ચૂંટણીમાં સુવેન્દુએ મમતા બેનર્જીને નંદીગ્રામમાં પરાજય આપ્યો હતો, ત્યારબાદ મમતાએ ભવાનીપુરની પેટાચૂંટણી જીતીને પોતાની ખુરશી બચાવી હતી. હવે ભાજપે સુવેન્દુને આ બંને બેઠકો પર લડાવીને મમતા બેનર્જીને ઘેરવાની વ્યૂહરચના બનાવી છે.
BengalElection2026 :બંગાળમાં ભાજપના અન્ય મહત્વના ઉમેદવારો:
- ડાયમંડ હાર્બર: મમતા બેનર્જીના ભત્રીજા અભિષેક બેનર્જીના લોકસભા ક્ષેત્રમાં આવતી આ બેઠક પર ભાજપે દીપક કુમાર હાલદારને ટિકિટ આપી છે.
- ખડગપુર સદર: બંગાળ ભાજપના પૂર્વ પ્રમુખ દિલીપ ઘોષ આ બેઠક પરથી ચૂંટણી લડશે.
કેરળમાં પણ 47 ઉમેદવારોના નામ જાહેર
બંગાળની સાથે ભાજપે કેરળ વિધાનસભાની 140 બેઠકો પૈકી 47 બેઠકો માટે ઉમેદવારોની જાહેરાત કરી છે.
- રાજીવ ચંદ્રશેખર: કેરળ ભાજપના અધ્યક્ષ રાજીવ ચંદ્રશેખરને નેમોમ બેઠક પરથી ટિકિટ આપવામાં આવી છે. ઉલ્લેખનીય છે કે, 2024ની લોકસભા ચૂંટણીમાં તેઓ તિરુવનંતપુરમ બેઠક પરથી શશિ થરૂર સામે નજીવા અંતરે હાર્યા હતા.
ચૂંટણી વિશ્લેષણ:
ભાજપની આ પ્રથમ યાદી પરથી સ્પષ્ટ થાય છે કે પક્ષ બંગાળમાં આક્રમક મૂડમાં છે. ખાસ કરીને સુવેન્દુ અધિકારીને હાઈપ્રોફાઈલ બેઠકો પર ઉતારીને ભાજપે તૃણમૂલ કોંગ્રેસ (TMC) ને રક્ષણાત્મક સ્થિતિમાં લાવી દીધું છે. બીજી તરફ, કેરળમાં પણ જાણીતા ચહેરાઓને મેદાનમાં ઉતારી ભાજપ દક્ષિણમાં પોતાની પકડ મજબૂત કરવા માંગે છે.
આ પણ વાંચો :3 રાજ્યોની 11 બેઠકો માટે મતદાન ચાલુ , બિહારમાં નીતિશ કુમાર મેદાનમાં તો હરિયાણા-ઓડિશામાં ક્રોસ-વોટિંગનો ફાળ
