Gujarat Budget 2026:ગુજરાત વિધાનસભાનું મહત્વનું બજેટ સત્ર આવતીકાલ, 16 ફેબ્રુઆરીથી શરૂ થઈ રહ્યું છે. આ સત્ર માત્ર આર્થિક લેખાજોખા માટે જ નહીં, પરંતુ રાજકીય ખેંચતાણ અને મહત્વના સામાજિક વિધેયકોને કારણે પણ અત્યંત ચર્ચાસ્પદ રહેવાનું છે.
Gujarat Budget 2026:સત્રનો પ્રારંભ અને રાજ્યપાલનું સંબોધન
સત્રની શરૂઆત બપોરે 12:00 વાગ્યે રાજ્યપાલ આચાર્ય દેવવ્રતના સંબોધન સાથે થશે. પ્રથમ દિવસે શોકદર્શક ઉલ્લેખ બાદ ગૃહની કાર્યવાહી આગળ વધશે. 16 ફેબ્રુઆરીથી શરૂ થનારું આ સત્ર 25 માર્ચ સુધી ચાલશે, જેમાં કુલ 26 બેઠકોનું આયોજન કરવામાં આવ્યું છે.
Gujarat Budget 2026:ઉપાધ્યક્ષ પદ માટે ભાજપ-કોંગ્રેસ આમને-સામને
સત્રના પ્રથમ દિવસે જ રાજકીય ગરમાવો જોવા મળશે, કારણ કે વિધાનસભાના ઉપાધ્યક્ષની ચૂંટણી યોજાવાની છે.
- ભાજપ: મંત્રી જીતુ વાઘાણી દ્વારા પૂર્ણેશ મોદીનું નામ પ્રસ્તાવિત કરવામાં આવશે.
- કોંગ્રેસ: વિપક્ષ તરફથી શૈલેષ પરમાર ઉમેદવારી નોંધાવશે, જેમનો પ્રસ્તાવ દિનેશ ઠાકોર રજૂ કરશે.
- આ ચૂંટણી ‘ધ્વનિ મત’ દ્વારા કરવામાં આવશે, જે બંને પક્ષો માટે પ્રતિષ્ઠાનો જંગ બની રહેશે.
Gujarat Budget 2026:બજેટ 2026: અત્યાર સુધીનું સૌથી મોટું કદ
નાણામંત્રી કનુભાઈ દેસાઈ 17 ફેબ્રુઆરીના રોજ રાજ્યનું સામાન્ય બજેટ રજૂ કરશે. સૂત્રોના જણાવ્યા અનુસાર:
- બજેટનું કદ: અંદાજે ₹3.90 લાખ કરોડ (ગયા વર્ષ કરતા 15% નો વધારો).
- આ ગુજરાતના ઇતિહાસનું અત્યાર સુધીનું સૌથી મોટું બજેટ હોવાનું અનુમાન છે.
- નાણા વિભાગે આ અંગેની તમામ તૈયારીઓ પૂર્ણ કરી લીધી છે.
સત્રના મુખ્ય આકર્ષણો અને વિધેયકો
આ 23 દિવસના કામકાજ દરમિયાન સરકાર ઘણા મહત્વના નિર્ણયો લઈ શકે છે:
- UCC (સમાન નાગરિક સંહિતા): આ સત્રમાં યુનિફોર્મ સિવિલ કોડ સંબંધિત મહત્વનું બિલ રજૂ થાય તેવી પ્રબળ શક્યતા છે.
- નવા બિલો: સરકાર આશરે 7 જેટલા નવા વિધેયકો લાવવાની તૈયારીમાં છે.
- પ્રોજેક્ટ સમીક્ષા: કેન્દ્ર અને રાજ્ય સરકારના સંયુક્ત પડતર પ્રોજેક્ટ્સ પર પણ ચર્ચા કરવામાં આવશે.
આ પણ વાંચો :અમિત શાહનો રાહુલ ગાંધીને ખુલ્લો પડકાર: ‘ખેડૂતોને ગેરમાર્ગે દોરવાનું બંધ કરો, ભાજપ કોઈપણ મંચ પર ચર્ચા કરવા તૈયાર’
