High Drama in Parliament: સંસદના બજેટ સત્ર દરમિયાન દેશના રાજકારણમાં એક મોટી હલચલ મચી છે. વિપક્ષી દળોએ મંગળવારે લોકસભા સ્પીકર ઓમ બિરલા વિરુદ્ધ ઔપચારિક રીતે અવિશ્વાસ પ્રસ્તાવની નોટિસ રજૂ કરી દીધી છે. આ નોટિસ પર કુલ 118 સાંસદોએ હસ્તાક્ષર કર્યા છે, જે સ્પીકરની કાર્યશૈલી સામે વિપક્ષનો આક્રોશ દર્શાવે છે.
High Drama in Parliament: ઓમ બિરલાનો મહત્વનો નિર્ણય
સૂત્રોના હવાલેથી મળતી માહિતી મુજબ, નોટિસ રજૂ થયા બાદ સ્પીકર ઓમ બિરલાએ એક મોટો નિર્ણય લીધો છે. જ્યાં સુધી આ અવિશ્વાસ પ્રસ્તાવ પર અંતિમ નિર્ણય ન લેવાય અથવા તેને ફગાવી દેવામાં ન આવે, ત્યાં સુધી તેઓ લોકસભાની કાર્યવાહીમાં ભાગ લેવા નહીં જાય. તેઓ સ્પીકરની ખુરશીથી દૂર રહેશે અને પ્રસ્તાવના નિકાલ બાદ જ પોતાની જવાબદારી ફરી સંભાળશે.
High Drama in Parliament: 9 માર્ચના રોજ થશે ચર્ચા
બજેટ સત્રના વર્તમાન તબક્કાનો છેલ્લો દિવસ 13 ફેબ્રુઆરી છે. ત્યારબાદ સંસદમાં વેકેશન રહેશે અને 8 માર્ચથી ફરી ગૃહની કાર્યવાહી શરૂ થશે. વિપક્ષ દ્વારા લાવવામાં આવેલા આ પ્રસ્તાવ પર 9 માર્ચના રોજ સદનમાં ચર્ચા થવાની શક્યતા છે.
High Drama in Parliament: બજેટ સત્રમાં સતત અવરોધ
મંગળવારે બજેટ સત્રના 10મા દિવસે પણ સંસદમાં ભારે હોબાળો જોવા મળ્યો હતો. ગૃહની કાર્યવાહી બે વખત સ્થગિત કરવી પડી હતી. છેવટે બપોરે 2 વાગ્યે કાર્યવાહી શરૂ થઈ શકી હતી, જેમાં કોંગ્રેસ સાંસદ શશિ થરૂરે બજેટ પર ચર્ચાની શરૂઆત કરી હતી.
સ્પીકર વિરુદ્ધ અવિશ્વાસ પ્રસ્તાવની આ ઘટનાએ ભારતીય સંસદીય ઇતિહાસમાં એક ગંભીર પરિસ્થિતિ ઊભી કરી છે, જેના કારણે આગામી દિવસોમાં સત્તાપક્ષ અને વિપક્ષ વચ્ચેનો સંઘર્ષ વધુ તેજ બનવાના એંધાણ છે.
વધુ સમાચાર વાંકચવા માટે અંહી ક્લિક કરો
