New Income Tax Act:કેન્દ્રિય બજેટ 2026 દરમિયાન નાણામંત્રી નિર્મલા સીતારમણે આવકવેરાને લઈને મોટી અને મહત્વપૂર્ણ જાહેરાત કરી છે. નાણામંત્રીના જણાવ્યા મુજબ સરકાર 1 એપ્રિલ, 2026થી નવો ‘ઇન્કમ ટેક્સ એક્ટ’ અમલમાં લાવશે. આ નવા કાયદાનો મુખ્ય હેતુ આવકવેરાની પ્રક્રિયાને સરળ, પારદર્શક અને કરદાતા-મૈત્રીપૂર્ણ બનાવવાનો છે.
નાણામંત્રીએ જણાવ્યું કે વર્ષોથી ચાલતા જટિલ કાયદા અને પ્રક્રિયાઓને સરળ બનાવી સામાન્ય કરદાતાને મોટી રાહત આપવામાં આવશે. નવા ઇન્કમ ટેક્સ એક્ટ હેઠળ ફોર્મ ભરવાની પ્રક્રિયા, દંડની જોગવાઈ અને વિદેશ પ્રવાસ પર લાગતા ટેક્સમાં મહત્વના ફેરફાર કરવામાં આવ્યા છે.
New Income Tax Act:આવકવેરા અંગેની મુખ્ય જાહેરાતો
• ITR ફોર્મ સરળ બનશે
આવકવેરા રિટર્ન (ITR) ભરવાના ફોર્મને સંપૂર્ણપણે સરળ બનાવવામાં આવશે, જેથી સામાન્ય નોકરિયાત અને મધ્યમ વર્ગના લોકો પણ કોઈ મુશ્કેલી વિના રિટર્ન ફાઈલ કરી શકે.
• ટેક્નિકલ ભૂલો પર રાહત
નવા કાયદા હેઠળ ટેક્નિકલ ખામીઓ બદલ જેલની સજા નહીં પરંતુ માત્ર આર્થિક દંડની જોગવાઈ રાખવામાં આવી છે. નાના કર ગુનાઓ માટે દંડ લાગશે, પરંતુ કડક સજામાંથી રાહત મળશે.
• વિદેશ પ્રવાસ થશે સસ્તો
વિદેશ યાત્રા પર લાગતા TCS (Tax Collected at Source) નો દર ઘટાડીને 5 ટકા કરવામાં આવ્યો છે. આ નિર્ણયથી વિદેશ પ્રવાસ કરનારા લોકોને સીધી રાહત મળશે.
• અઘોષિત આવકની મર્યાદા નક્કી
અઘોષિત આવક માટે મર્યાદા વધારીને 1 કરોડ રૂપિયા સુધી કરવાનો પ્રસ્તાવ કરવામાં આવ્યો છે. સરકારનું માનવું છે કે આથી કાયદાકીય ગૂંચવણો ઘટશે અને સ્પષ્ટતા આવશે.
• રિટર્ન ફાઈલ કરવાની અંતિમ તારીખ
નવા કાયદા મુજબ કરદાતાઓ 31 જુલાઈ સુધી પોતાનું આવકવેરા રિટર્ન ફાઈલ કરી શકશે.
New Income Tax Act:કેવી રીતે થાય છે આવકવેરાની ગણતરી?
આવકવેરાની ગણતરી વ્યક્તિની તમામ આવકના સ્ત્રોતોને આધારે કરવામાં આવે છે. તેમાં પગારની આવક, પ્રોપર્ટી પરથી મળતું ભાડું, હોમ લોન પરનું વ્યાજ, શેરબજારથી મળતો નફો તેમજ મિલકતની ખરીદ-વેચાણમાંથી થતી આવકનો સમાવેશ થાય છે.
નાણામંત્રીના આ નિર્ણયને મધ્યમ વર્ગ અને નોકરિયાત વર્ગ માટે મોટી રાહત તરીકે જોવામાં આવી રહ્યો છે. હવે સૌની નજર 1 એપ્રિલ, 2026 પર છે, જ્યારે નવો ઇન્કમ ટેક્સ એક્ટ સત્તાવાર રીતે અમલમાં આવશે.
આ પણ વાંચો :2026 Live UPDATES: બજેટમાં મોટી જાહેરાત: દેશમાં 3 નવા AIIMS અને 7 હાઈસ્પીડ રેલવે કોરિડોર બનશે
