covid vaccine usa : અમેરિકાની સર્વોચ્ચ સ્વાસ્થ્ય સંસ્થા U.S. Food and Drug Administration (FDA) દ્વારા તૈયાર કરાયેલા એક આંતરિક મેમોમાં દાવો કરવામાં આવ્યો છે કે અમેરિકામાં COVID-19 વેક્સીન આપવામાં આવ્યા બાદ ઓછામાં ઓછા ૧૦ બાળકોનું મૃત્યુ થયું — અને મુખ્ય કારણ તરીકે શક્ય “હૃદયમાં સોજા” અથવા Myocarditis (હાર્ટ મસ્કલની સોજા) સૂચવવામાં આવ્યું છે.
રીપોર્ટમા જણાવાયું છે કે 2021–2024 વચ્ચે 96 મોતમાંથી 10 બાળકોના મોત વેક્સીનની આડ અસરથી થયા હોઈ શકે છે
covid vaccine usa : વેક્સીન લીધા બાદ હૃદયમાં સોજા આવતા થયા હતા મોત
વેક્સિન લીધા બાદ બાળકોના હૃદયમાં સોજો આવી જવાથી આ મોત થયા હોવાનું તારણ સામે આવતા વાલીઓમાં ફફડાટ અને તબીબી જગતમાં ભારે ચર્ચા જાગી છે.વિશ્વભરમાં કોરોના વેક્સિનની સુરક્ષાને લઈને ચાલી રહેલી ચર્ચાઓ વચ્ચે અમેરિકાથી આવેલા એક સમાચારે ભારે હોબાળો મચાવ્યો છે.
અમેરિકાની ફૂડ એન્ડ ડ્રગ એડમિનિસ્ટ્રેશનના એક ખાનગી મેમોમાં સ્વીકારવામાં આવ્યું છે કે કોવિડ-૧૯ વેક્સિન લીધા બાદ ૧૦ બાળકોના મૃત્યુ થયા છે. આ રિપોર્ટ બહાર આવતાની સાથે જ અમેરિકાની સ્વાસ્થ્ય વ્યવસ્થા અને વેક્સિનની વિશ્વસનીયતા પર ગંભીર સવાલો ઉભા થયા છે.આ સનસનીખેજ રિપોર્ટ એફડીએના ચીફ મેડિકલ ઓફિસર વિનય પ્રસાદ દ્વારા તૈયાર કરવામાં આવ્યો હોવાનું મીડિયા અહેવાલો જણાવી રહ્યા છે.
covid vaccine usa : કઈ કંપનીની વેક્સીન લીધી હતી તે સામે આવ્યું નથી
દસ્તાવેજમાં ઉલ્લેખ છે કે આ ૧૦ બાળકોના મોત પાછળનું મુખ્ય કારણ ‘માયોકાર્ડિટિસ’ હોઈ શકે છે. માયોકાર્ડિટિસ એ હૃદયના સ્નાયુઓમાં આવતો સોજો છે, જે વેક્સિનની દુર્લભ આડઅસર તરીકે ઓળખાય છે. જોકે, રિપોર્ટમાં મૃત્યુ પામેલા બાળકોની ઉંમર કે તેઓને કઈ કંપનીની વેક્સિન આપવામાં આવી હતી તેની કોઈ સ્પષ્ટતા કરવામાં આવી નથી.
વધારે સમાચાર વાંચવા માટે અહી નીચે ક્લિક કરો
India’s Exports news:5 મહિનામાં નિકાસ 8.83 અબજથી ઘટીને 6.30 અબજ ડોલર; વેપારમાં ચિંતાનો માહોલ
