જસપ્રીત બુમરાહ રેકોર્ડ #jasprit #bumrah #wasimakram #cricket #sports – ભારત અને ઈંગ્લેન્ડ વચ્ચે પાંચ ટેસ્ટની શ્રેણીમાં લીડ્સના મેદાન પર પહેલી મેચમાં ગુજરાતી બોલર જસપ્રીત બુમરાહે એક મોટો રેકોર્ડ પોતાના નામે કર્યો છે. બુમરાહે ઈંગ્લેન્ડના ઓપનિંગ બેટ્સમેન બેન ડકેટને 62 રનના અંગત સ્કોપર બોલ્ડ કર્યો હતો.
જસપ્રીત બુમરાહ વસીમ અકરમનો રેકોર્ડ તોડ્યો
આ સાથે બુમરાહ ‘સેના’ દેશોમાં સૌથી વધુ વિકેટ લેનારો એશિયન બોલર બની ગયો. આ રેકોર્ડ અગાઉ પાકિસ્તાનના ભૂતપૂર્વ કેપ્ટન વસીમ અકરમના નામે હતો. ‘સેના’ દેશોમાં દક્ષિણ આફ્રિકા, ઈંગ્લેન્ડ, ન્યૂઝીલેન્ડ અને ઓસ્ટ્રેલિયાનો સમાવેશ થાય છે. બુમરાહે અત્યાર સુધીમાં 20.36ની સરેરાશથી સેના દેશો સામે કુલ 147 વિકેટ ઝડપી છે અને આગામી સમયમાં તે હજુ વધુ વિકેટો ઝડપે તેવી સંભાવના છે.
એશિયન બોલર તરીકે નવો ઈતિહાસ બનાવ્યો
વસીમ અકરમે સેના દેશો સામે કુલ 32 ટેસ્ટમાં 24.11ની સરેરાશથી 146 વિકેટ ઝડપી હતી. આ યાદીમાં ત્રીજા ક્રમે અનિલ કુંબલે છે, જેણે 141 વિકેટ, ઈશાંત શર્માએ 127 વિકેટ અને શ્રીલંકાના મુથ્થૈયા મુરલીધરને 125 વિકેટ ઝડપી હતી. ઈંગ્લેન્ડના પ્રવાસે બુમરાહની નજર હવે ઈશાંત શર્માનો રેકોર્ડ તોડવા પર છે.
જસપ્રીત બુમરાહ સેના દેશોમાં સૌથી વધુ વિકેટ ઝડપી
બુમરાહે ઈંગ્લેન્ડ સામે અત્યાર સુધીમાં કુલ 39 વિકેટ ઝડપી છે જ્યારે ઈશાંત શર્માએ ઈંગ્લેન્ડ સામે કુલ 51 વિકેટ ઝડપી છે. બુમરાહ ઈશાંત શર્માથી હવે માત્ર 13 વિકેટ દૂર છે.
હવે ઈશાંત શર્માનો રેકોર્ડ તોડવા પર નજર
ગુજરાતના વધુ સમાચાર માટે જોવા માટે અહિયાં ક્લિક કરો
યુટ્યુબ પર વિડીઓ ન્યુઝ જોવા માટે
