ભૂકંપ કે પરમાણુ ? #iran #Israel #nuclearwar #nuclearweapon #iranvsisrael – ઈરાન અને ઈઝરાયેલ વચ્ચે ચાલી રહેલા લશ્કરી તણાવના માહોલમાં ઈરાનમાં આવેલા સતત બે ભૂકંપોએ નવો સંદેહ જન્માવ્યો છે. શુક્રવારે સાંજે 9:19 વાગ્યે ઈરાનના સેમનાન પ્રાંતમાં 5.1ની તીવ્રતાનો ભૂકંપ આવ્યો. આ આંચકો 10 કિલોમીટરની ઊંડાઈએ હતો, જેના કારણે તેહરાન સહિત અનેક વિસ્તારોમાં ઝટકા અનુભવાયા.
ઈરાનમાં ભૂકંપના બે આંચકાથી દહેશત
આ પહેલાં, 15 જૂને ફોર્ડો નજીક 2.5ની તીવ્રતાનો હળવો ભૂકંપ નોંધાયો હતો, જે ઈઝરાયેલના હવાઈ હુમલા બાદ આવ્યો હોવાનું કહેવાય છે. આ બંને ભૂકંપોનો સમય અને સ્થળ એવા છે, જેણે ઈરાનની પરમાણુ પ્રવૃત્તિઓને અંગે ચાલતી અટકળોને વધુ બળ આપ્યું છે.
સેમનાન પ્રાંતમાં 5.1ની તીવ્રતાના ભૂકંપથી ધરતી ધ્રુજી
ઈઝરાયેલ સાથે યુદ્ધ વચ્ચે પરમાણુ પરિક્ષણની આશંકા- ભૂકંપ કે પરમાણુ ?
ખાસ કરીને નતાંઝ, ઈસ્ફહાન અને ફોર્દૌ જેવા પરમાણુ મથકો પર ઈઝરાયેલના હુમલાથી નુકસાનના સંકેત મળ્યા છે. યુએસજીએસ (USGS) અને CTBTO જેવી સંસ્થાઓના જણાવ્યા મુજબ, પરમાણુ વિસ્ફોટ ભૂકંપીય તણાવને ટ્રિગર કરીને ભૂકંપ ઉત્પન્ન કરી શકે છે, પરંતુ આવા ભૂકંપ સામાન્ય રીતે વિસ્ફોટની તીવ્રતા કરતાં ઓછા હોય છે અને તે માત્ર થોડા કિલોમીટરના વિસ્તારમાં સીમિત રહે છે.
ભૂકંપ પ્રાકૃતિક કારણોથી જ આવ્યો હોવાનો નિષ્ણાતોનો દાવો ભૂકંપ કે પરમાણુ પરિક્ષણ ?
પ્રાકૃતિક ભૂકંપમાં P-વેવ અને S-વેવ બંને હોય છે, જ્યારે પરમાણુ વિસ્ફોટ મુખ્યત્વે માત્ર P-વેવ ઉત્પન્ન કરે છે. જોકે, ઈરાનના આ ભૂકંપોને પરમાણુ પરીક્ષણ કે લશ્કરી પ્રવૃત્તિઓ સાથે કોઈ નક્કર સંબંધ દેખાતો નથી. વિસ્તારની ઉચ્ચ ભૂકંપીય સક્રિયતા અને નિષ્ણાતોનું વિશ્લેષણ પ્રાકૃતિક કારણોની પુષ્ટિ કરે છે.
જોકે, તણાવગ્રસ્ત વિસ્તારોમાં, જ્યાં અફવાઓ સત્ય કરતાં વધુ ઝડપથી ફેલાય છે, ત્યાં સતર્ક નિરીક્ષણ અને વૈજ્ઞાનિક વિશ્લેષણ અત્યંત જરૂરી છે.
ગુજરાતના વધુ સમાચાર માટે જોવા માટે અહિયાં ક્લિક કરો
યુટ્યુબ પર વિડીઓ ન્યુઝ જોવા માટે
