NEET કેસની સુનાવણીમાં સુપ્રીમ કોર્ટે ફરીથી પરીક્ષાનો આદેશ આપવાનો ઈનકાર કરી દીધો છે.CJIએ કહ્યું- અત્યારે અમે ગેરરીતિ કરનારા વિદ્યાર્થીઓને અલગ કરી શકીએ છીએ. તપાસ દરમિયાન ગુનેગારોની ઓળખ થશે તો તેમની સામે કાર્યવાહી કરવામાં આવશે. જો કોઈ વિદ્યાર્થી આ છેતરપિંડીમાં સંડોવાયેલો જણાશે તો તેને પ્રવેશ મળશે નહીં. કોર્ટે હજુ સુધી તેનો અંતિમ નિર્ણય અનામત રાખ્યો છે, જેના માટે કોઈ તારીખ જારી કરવામાં આવી નથી.
સુપ્રીમ કોર્ટમાં આજે NEET UG પરીક્ષા ફરીથી યોજવાની અને પરિણામ રદ કરવાની માંગણી કરતી અરજી સહિત 40 થી વધુ અરજીઓ પર સુનાવણી પૂર્ણ થઈ હતી. ચુકાદો આપતાં કોર્ટે કહ્યું કે પરીક્ષા બે વખત લેવામાં આવશે નહીં. અગાઉની સુનાવણીમાં, NEET UG કાઉન્સિલિંગની કામચલાઉ તારીખ પણ નેશનલ ટેસ્ટિંગ એજન્સી (NTA) દ્વારા શેર કરવામાં આવી હતી.
NEET : આવતીકાલે કાઉન્સેલિંગ યોજાશે
NTA દ્વારા અગાઉ શેર કરવામાં આવેલી માહિતી મુજબ, NEET UG કાઉન્સેલિંગ 24 જુલાઈથી શરૂ થવાની ધારણા છે. અગાઉ એવું પણ કહેવામાં આવ્યું હતું કે NEET UG કાઉન્સેલિંગ જુલાઈના બીજા કે ત્રીજા સપ્તાહમાં યોજાય તેવી અપેક્ષા છે.
તાજેતરમાં આરોગ્ય મંત્રાલયે પણ એક નોટિસ જારી કરીને મેડિકલ કોલેજોને 20 જુલાઈ સુધીમાં સીટોની વિગતો સબમિટ કરવા માટે કહ્યું હતું. અહીં, સુપ્રીમ કોર્ટે પોતાના આજના નિર્ણયમાં એ પણ સ્પષ્ટ કર્યું છે કે કાઉન્સિલિંગ અને પ્રવેશ પરીક્ષા પર કોઈ પ્રતિબંધ નહીં હોય.કોર્ટે કાઉન્સેલિંગ અને અન્ય પ્રવેશ પ્રક્રિયાઓને સમયપત્રક મુજબ ચાલુ રાખવાની મંજૂરી આપી છે. કોર્ટે એ પણ સંકેત આપ્યો છે કે સમાન મુદ્દાઓને સંબોધવા અને અટકાવવા માટે પરીક્ષાઓના ભાવિ આયોજન માટે માર્ગદર્શિકા પ્રદાન કરવામાં આવશે.
હવે જ્યારે NEET UG મુદ્દા પર નિર્ણય આવી ગયો છે, એવી અપેક્ષા રાખી શકાય છે કે MCC ટૂંક સમયમાં અંડરગ્રેજ્યુએટ મેડિકલ પ્રોગ્રામ્સમાં પ્રવેશ માટે કાઉન્સેલિંગ પ્રક્રિયા શરૂ કરી શકે છે. જો કે, સુપ્રીમ કોર્ટે કહ્યું છે કે નીટ કેસ પર વિગતવાર ચુકાદો પછીથી સંભળાવવામાં આવશે.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
