LSG vs RR : IPL 2024માં શનિવારે ડબલ હેડર મેચો રમાશે. આજની બીજી મેચમાં ટોપ-4ની 2 ટીમો સામસામે ટકરાશે. લખનૌના એકાના સ્ટેડિયમમાં લખનૌ સુપર જાયન્ટ્સ અને રાજસ્થાન રોયલ્સ સામસામે ટકરાશે, આ મેચ શનિવારે ભારતીય સમય અનુસાર સાંજે 7.30 વાગ્યાથી રમાશે.
LSG vs RR : લખનૌ સુપર જાયન્ટ્સ 8માંથી 5 મેચ જીતીને પોઈન્ટ ટેબલમાં ચોથા સ્થાને છે. રાજસ્થાન તેની 8 મેચમાંથી 7 જીત્યું છે અને ટોચ પર છે. આવી સ્થિતિમાં આ સ્પર્ધા જોરદાર બને તેવી પૂરી આશા છે. આઈપીએલના ઈતિહાસની વાત કરીએ તો લખનૌ સુપર જાયન્ટ્સ અને રાજસ્થાન રોયલ્સની ટીમો અત્યાર સુધી માત્ર ચાર વખત સામસામે આવી છે.જેમાંથી એક મેચ લખનૌ અને ત્રણ મેચ રાજસ્થાને જીતી છે. એટલે કે લખનૌ પર રાજસ્થાનનો દબદબો છે.
LSG vs RR : શું કહે છે પિચ રિપોર્ટ ?
LSG vs RR : લખનૌના એકાના સ્ટેડિયમની પીચ સામાન્ય રીતે બોલરો માટે ઘણી સારી માનવામાં આવે છે. મેદાન મોટું છે અને બોલ સીધો બેટમાં આવે છે. લખનૌની પીચ પર સ્પિનરો પોતાનો જાદુ બતાવી શકે છે. જો ઝડપી બોલરો શરૂઆતમાં વિકેટ નહીં લે તો તેમના માટે સફળતા મેળવવી મુશ્કેલ બની શકે છે.
LSG vs RR : પહેલા બેટિંગ કરવી સલામત
LSG vs RR : એકાના ક્રિકેટ સ્ટેડિયમમાં 6 T20I સહિત 12 આંતરરાષ્ટ્રીય મેચો રમાઈ છે. IPLમાં અહીં રમાયેલી 6 મેચોમાં પ્રથમ દાવમાં સરેરાશ સ્કોર 160 રહ્યો છે. જોકે અહીં 193નો સ્કોર પણ થયો છે. પ્રથમ બેટિંગ કરનારી ટીમ અહીં મોટાભાગે જીતી છે.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
