BJP LIST : લોકસભાની ચૂંટણી માટે તમામ પક્ષોએ કમર કસી લીધી છે. ચૂંટણી દરમિયાન ભાજપ અને કોંગ્રેસ વચ્ચે ગળાકાપ સ્પર્ધા જોવા મળી રહી છે. તમામ પક્ષો પોતપોતાના ઉમેદવારોને મેદાનમાં ઉતારી રહ્યા છે. દરમિયાન આજે ભાજપે લોકસભા ચૂંટણી માટે ઉમેદવારોની 12મી યાદી બહાર પાડી છે. આ યાદીમાં મહારાષ્ટ્ર, પંજાબ, પશ્ચિમ બંગાળ અને ઉત્તર પ્રદેશના ઉમેદવારોના નામ સામેલ છે.
BJP LIST : ભારતીય જનતા પાર્ટીએ લોકસભા ચૂંટણી માટે યુપીના ઉમેદવારોની બીજી યાદી બહાર પાડી છે, જેમાં દેવરિયા અને ફિરોઝાબાદથી ઉમેદવારોની જાહેરાત કરવામાં આવી છે. ભાજપે દેવરિયાથી શશાંક મણિ ત્રિપાઠી અને ફિરોઝાબાદથી ઠાકુર વિશ્વજીત સિંહને ટિકિટ આપી છે. જો કે, ભાજપે હજુ સુધી બ્રિજભૂષણ શરણ સિંહની કૈસરગંજ સીટ માટે પોતાના ઉમેદવારની જાહેરાત કરી નથી.
BJP LIST : વર્તમાન સાંસદોના પત્તા કપાયા
બીજેપીએ ફિરોઝાબાદ અને દેવરિયાના બંને વર્તમાન સાંસદોની ટિકિટ રદ્દ કરી દીધી છે. બીજેપીએ ફિરોઝાબાદથી વર્તમાન સાંસદ ચંદ્રસેન જાદૌનની ટિકિટ રદ્દ કરી દીધી છે. તેમણે 2019ની ચૂંટણીમાં સપાના ઉમેદવાર અક્ષય યાદવને હરાવ્યા હતા. આ વખતે ભાજપે ઠાકુર વિશ્વજીત સિંહને ટિકિટ આપી છે. જ્યારે દેવરિયાથી રમાપતિ રામ ત્રિપાઠીની ટિકિટ કાપીને શશાંક મણિ ત્રિપાઠીને આપવામાં આવી છે. રમાપતિ રામ ત્રિપાઠીએ 2019ની ચૂંટણીમાં SP-BSP ગઠબંધનના ઉમેદવાર બિનોદ કુમાર જયસ્વાલને હરાવ્યા હતા. તેમની ગણતરી યુપીના મોટા બ્રાહ્મણ ચહેરાઓમાં થાય છે.
BJP LIST : ભાજપે દેવરિયામાંથી પોતાના કાર્ડ જાહેર કર્યા છે. જો કે હજુ સુધી બ્રિજભૂષણ શરણ સિંહની બેઠક માટેના ઉમેદવારની જાહેરાત કરવામાં આવી નથી. કહેવામાં આવી રહ્યું છે કે મહિલા કુસ્તીબાજોના આરોપો બાદ ભારતીય કુસ્તી સંઘના પૂર્વ અધ્યક્ષની ઉમેદવારી નબળી પડી છે.
વધુ સમાચાર માટે – અહી કલિક કરો,
YouTube શોર્ટ્સ માટે – અહી કિલક કરો
હિંદી સમાચાર વાંચવા – અહી ક્લિક કરો
