રાજ્યમાં લાંચિયા બાબુઓ સામે એસીબી કડક કામગીરી કરતું હોવા છતાં કેટલાક સુધરવાનું નામ નથી લઈ રહ્યા એસીબી એ ધોળકા પોલીસ સ્ટેશનના ASI કરણસિંહ અમરસિહ ગોહીલને લાંચ લેતા ઝડપી પાડ્યા હતા. ASI સાથે પૂર્વ સરપંચ ઈશ્વરભાઇ કરશનભાઇ ઠાકોર પણ લાંચ લેવામાં સામેલ હતા. બે આરોપીઓએ ફરિયાદી પાસે કરી રૂ. બે લાખની માંગણી કરી હતી. અસલાલી પોલીસ સ્ટેશનમાં છોકરીને ભગાડી લઈ જવા મામલે કેસમાં પતાવટ કરવા લાંચ આપવામાં આવી હતી.
એસીબી દ્વારા જાહેર કરવામાં એવેલી ટ્રેપની વિગત નીચે મુજબ છે.
એ.સી.બી. સફળ ટ્રેપ
ફરીયાદીઃ – એક જાગૃત નાગરીક
આરોપી: –
(૧)કરણસીંહ અમરસીંહ ગોહીલ
એ.એસ.આઇ, ઘોળકા રૂરલ
પોલીસ સ્ટેશન ,જી. અમદાવાદ
૨) ઈશ્વરભાઇ કરસનભાઇ ઠાકોર
( પ્રજાજન ) માજી સરપંચ
ગુન્હો બન્યા
તા-૨૩/૧૦/૨૦૨૩
લાંચની માંગણીની રકમઃ-
રૂ.૨,૦૦,૦૦૦/-
લાંચ સ્વીકારેલ રકમઃ –
રૂ.૨,૦૦,૦૦૦/-
રીકવર કરેલ રકમઃ-
રૂ.૨,૦૦,૦૦૦/-
બનાવનુ સ્થળઃ (આરોપી નં-૧ નાં રહેણાંક ખાતે) મકાન નં-૧૧૧ , રોયલ સેરેનીટી બંગલોઝ ,Circuit હાઉસ ની સામે, ઘોળકા
ટુંક વિગતઃ – આ કામના ફરીયાદીના ભત્રીજા બાજુનાં ગામ ની છોકરી ને લઇ ને ભાગી જતાં તેમના વિરુદ્ધ અસલાલી પોલીસ સ્ટેશનમાં અરજી થયેલ છે.
જેથી આરોપી નં-૨ ઈશ્વર ભાઇ વીરપુર ગામ નાં માજી સરપંચ અને આગેવાન હોય જેથી આરોપી નં- ૧ સાથે સારા સંબંધ હોઇ બન્ને આરોપીઓએ સમાધાન કરાવવા અને છોકરી ને રજુ કરાવવા કાસિન્દ્રા ઓ.પી. ખાતે ગયેલ હતા અને છોકરી ને રજુ કરી દીધેલ તથા છોકરા ને પણ પકડી ને રજુ કરાવી દેવાની જવાબદારી લીઘેલ હતી .
ત્યારબાદ છોકરા ને પોકસો નાં કેસમાં બચાવી લેવા અને અસલાલી પોલીસ સ્ટેશન માં કેસ પતાવટ કરાવી દેવા નાં બદલે બન્ને આરોપીઓ એ ફરીયાદી ને પાંચ થી સાત લાખ નો ખર્ચો થશે તેમ જણાવી , રકઝક નાં અંતે બે લાખ ની લાંચની માંગણી કરેલ હતી ,
એસબીએ આ અંગે લાંંચિયા અધિકારીની ધરપકડ કરીને વધુ તપાસ હાથ ધરી છે.
