નવરાત્રિ શરૂ થતાં જ દરેક વ્યક્તિ ગરબાનો નશો કરે છે. પ્રથમ દિવસથી છેલ્લા દિવસ સુધી દરેક ઉંમરના લોકો ગરબાના રંગોમાં રંગાયેલા જોવા મળે છે, અન્ય કરતા અલગ દેખાવા માટે વિવિધ પ્રકારના પોશાક પહેરીને જોવા મળે છે. આ દિવસોમાં સોશિયલ મીડિયા પર આવો જ એક વીડિયો વાયરલ થઈ રહ્યો છે, જેને જોઈને તમને દાંડિયા નાઈટનો નહીં પણ કોઈ હોરર ફિલ્મનો અહેસાસ થશે અથવા બીજા શબ્દોમાં કહીએ તો આ ડરામણો વીડિયો જોઈને તમને પરસેવો આવી જશે. વીડિયો જોયા પછી તમે પણ પૂછશો કે શું આ ‘ભૂત’ (Nun) ના ગરબા છે?
આ શું થઇ રહ્યું છે ભાઈ ગરબામાં ?
આ દિવસોમાં ઈન્ટરનેટ ગરબા અને દાંડિયા નાઈટના વીડિયોથી ભરાઈ ગયું છે લોકો પોતાની રીલ્સ બનાવી સ્ટેટસ પર રાખી રહ્યા છે, પરંતુ આ દરમિયાન ઈન્ટરનેટ પર એક વીડિયો વાયરલ થઈ રહ્યો છે જેને જોઈને લોકો આશ્ચર્યચકિત સાથે ડરી રહ્યા છે. દાંડિયા નાઇટ દરમિયાન ‘નન’ (Nun) ફિલ્મના ભૂત દાંડિયા કરતી જોવા મળે છે. જો આ સમાચાર વાંચીને તમારા હાથ-પગ ઠંડા થઈ રહ્યા હોય તો ગભરાશો નહીં. ગરબા કરવાની આ પણ એક વિચિત્ર શૈલી છે, જેમાં લોકો અલગ-અલગ વેશભૂષા પહેરીને અલગ દેખાવામાં વિચિત્ર રૂપ ધારણ કરે છે. ખરેખર, આ વીડિયોમાં બે લોકો કાળા કપડા પહેરીને દાંડિયા કરતા જોવા મળે છે. તેનો ચહેરો સફેદ રંગથી રંગાયેલો છે અને તે એટલો ડરામણો લાગે છે કે કોઈ પણ ડરી જાય. આ દાંડિયા ડાન્સ જોઈને લોકો પૂછી રહ્યા છે કે, ‘ભૂત’ ગરબા રમવા મેદાનમાં ઉતર્યા છે?’
લોકોએ કોમેનટ્સ કરતા કહ્યું- આ નન (Nun) બેન પટેલને જુઓ :
આ વીડિયોને ઈન્સ્ટાગ્રામ પર એક યુઝર્સે શેર કર્યો અને વીડિયોના કેપ્શનમાં લખ્યું છે કે નન પણ પોતાને ગરબા કરવાથી રોકી શકતી નથી. વીડિયો જોયા બાદ લોકો અલગ-અલગ પ્રતિક્રિયા આપી રહ્યા છે. કેટલાક તેને ‘ડાકણો’ અને ‘ભૂત’ના ગરબા ગણાવી રહ્યા છે, તો કેટલાક ધર્મના નામે આવા તમાશો સામે નારાજગી વ્યક્ત કરી રહ્યા છે.
એક ઈન્ટરનેટ યુઝરે કોમેન્ટ બોક્સ પર લખ્યું, ‘નન બેન પટેલ’,
જ્યારે બીજાએ લખ્યું, ‘ચુડેલ’ ગરબા કરવા પહોંચ્યા છે.’
લોકો એવું પણ કહી રહ્યા છે કે, ‘આ રીતે ધર્મની મજાક કરવી ખોટી છે, આવા લોકો સામે કાર્યવાહી થવી જોઈએ.’
એકે લખ્યું, ‘અમારી પરંપરાની મજાક ઉડાવવી યોગ્ય નથી અને તેને સ્વીકારી શકાય નહીં.’
