ગરમીનો પારો 43થી 45 થવાની શક્યતા
રાજ્યમાં આજથી ગરમીનો પારો ઉંચે જવાની શક્યતા છે અને રાજ્યભરમાં ઓરેન્જ એલર્ટ આપવામાં આવ્યું છે. અમદાવાદમાં પણ આ એલર્ટના પગલે નાગરિકોએ શું કાળજી રાખવી તેની માહિતી બહાર પાડવામાં આવી છે.
તંત્રએ શહેરના તમામ આરોગ્ય કેન્દ્રો અને સીટી બસ સ્ટોપ પર ઓ આર એસની સગવડ નાગરિકોને મળી રહે તે વ્યવસ્થા કરી છે. આ ઉપરાંત હવામાન વિભાગના જણાવ્યા અનુસાર આગામી પાંચ દિવસ તાપમાન ઊંચું જશે અને વાતાવરણ ગરમ રહેશે.
તંત્ર દ્વારા આપવામાં આવેલી સુચના અનુસાર નાગરિકોએ ઠંડા વાતાવરણમાં રહેવાની સુચના આપવામાં આવી છે આ ઉપરાંત બપોરે 12 થી 4 વાગ્યા દરમિયાન તડકામાં કે ખુલ્લામાં જતા પહેલા લૂ ન લાગે તેની સાવચેતી રાખવી અને પાણી સતત પીવું જોઈએ .
