ફિલ્મ ફાસ્ટ એક્સની કમાણી 4 હજાર કરોડને પાર

હોલિવૂડની એક્શન ફિલ્મે હાલમાં ધૂમ મચાવી દીધી છે. તેણે 12 દિવસમાં 95 કરોડ રૂપિયાથી વધુનું કલેક્શન કર્યું છે.સુદીપ્તો સેન દ્વારા નિર્દેશિત ‘ધ કેરલા સ્ટોરી’ ઓલ ટાઈમ બ્લોકબસ્ટર સાબિત થઈ છે. માત્ર 15-20 કરોડ રૂપિયાના બજેટમાં બનેલી આ ફિલ્મે 25 દિવસમાં 207.21 કરોડ રૂપિયાનું નેટ કલેક્શન કર્યું છે. હોલીવુડની ફિલ્મ ‘ફાસ્ટ એક્સ’એ બોક્સ ઓફિસ પર ‘ધ કેરળ સ્ટોરી’ને ટક્કર આપી છે. વાસ્તવમાં તેની રિલીઝ પછી, ફિલ્મ ‘ધ કેરળ સ્ટોરી’ કરતાં વધુ બિઝનેસ કરી રહી છે. ભારતમાં પણ ‘ફાસ્ટ એન્ડ ફ્યુરિયસ’ ફ્રેન્ચાઈઝીને લઈને દર્શકોનો ક્રેઝ જોવા મળ્યો છે. નિર્માતાઓ પણ આ સારી રીતે જાણતા હતા, તેથી જ ‘ફાસ્ટ એક્સ’ યુએસના એક દિવસ પહેલા ભારતમાં રિલીઝ કરવામાં આવી હતી. સોમવારે ‘ધ કેરલા સ્ટોરી’એ 1.35 કરોડ રૂપિયાનું નેટ કલેક્શન કર્યું હતું, જ્યારે ‘ફાસ્ટ એક્સ’એ 2.11 કરોડ રૂપિયાનું નેટ કલેક્શન કર્યું હતું. આ રીતે, ‘ફાસ્ટ એન્ડ ફ્યુરિયસ 10’ એ 12 દિવસમાં ભારતમાં 95.81 કરોડ રૂપિયાનું નેટ કલેક્શન કર્યું છે. લૂઈસ લેટરિયર દ્વારા નિર્દેશિત આ ફિલ્મે વિશ્વભરમાં 4,300 કરોડ રૂપિયાની કમાણી કરી છે.