અક્ષય કુમાર બન્યા ભારતીય નાગરિક
‘દિલ અને નાગરિકતા, બંને હિન્દુસ્તાની‘: અક્ષય કુમાર
સોશ્યલ મીડિયામાં પોસ્ટ કરીને આપી માહિતિ
સ્વતંત્રતા દિવસના ખાસ અવસર પર અક્ષય કુમારના ચાહકો માટે એક સારા સમાચાર છે. અક્ષય કુમારને ભારતીય નાગરિકતા મળી છે. અક્ષય કુમારે ઈન્સ્ટાગ્રામ પર પોસ્ટ શેર કરીને ચાહકોને આ માહિતી આપી છે. અભિનેતાએ લખ્યું છે કે, ‘દિલ અને નાગરિકતા બંને હિન્દુસ્તાની છે.’તમને અત્યાર સુધી અક્ષય કુમાર પાસે કેનેડાની નાગરિકતા હતી. હવે તે ભારતની નાગરિકતા પાછી મેળવીને ખૂબ જ ખુશ છે. અભિનેતાએ તેમના સત્તાવાર ઇન્સ્ટાગ્રામ એકાઉન્ટ પરથી પોસ્ટ શેર કરીને ચાહકોને આ માહિતી આપી છે. તેમણે માન્ય પાસપોર્ટની તસવીર શેર કરી છે. આ સાથે લખ્યું છે, ‘દિલ અને નાગરિકતા બંને હિન્દુસ્તાની. સ્વતંત્રતા દિવસની શુભેચ્છાઓ. જય હિંદ.’
સ્વતંત્રતા દિવસના ખાસ અવસર પર અભિનેતાની આ પોસ્ટ પર સોશ્યલ મીડિયા યુઝરોએ ખૂબ જ રસપ્રદ પ્રતિક્રિયા આપી છે. અક્ષય કુમારના ચાહકોમાં ખુશીનો માહોલ છે. એક યુઝરે લખ્યું કે, ‘જ્યારે પણ અક્ષય કુમાર આવે છે, નફરત કરનારાઓ ચીડવવા લાગે છે.’ અન્ય એક યુઝરે લખ્યું, ‘તમે અમારા દિલમાં નાગરિકતા બનાવી લીધી છે.’ અન્ય યુઝરે લખ્યું, ‘તમે પહેલેથી જ ભારતીય છો. આ માત્ર એક દસ્તાવેજ છે. તમારા માટે એક અલગ જ આદર છે. વર્ક ફ્રન્ટની વાત કરીએ તો અક્ષય કુમાર આ દિવસોમાં ફિલ્મ ‘OMG 2’ને લઈને ચર્ચામાં છે. 11 ઓગસ્ટે રિલીઝ થયેલી આ ફિલ્મ બોક્સ ઓફિસ પર સારી કમાણી કરી રહી છે. તમને જણાવી દઈએ કે આ ફિલ્મ 2012માં આવેલી અક્ષય કુમારની ‘OMG’ની સિક્વલ છે. આ ફિલ્મ બોક્સ ઓફિસ પર સની દેઓલની ‘ગદર 2’ સાથે ટક્કર આપી રહી છે. કલેક્શનની વાત કરીએ તો ફિલ્મે અત્યાર સુધીમાં 75.17 કરોડ રૂપિયાનો બિઝનેસ કર્યો છે. જણાવી દઈએ કે ‘OMG 2’માં અક્ષય સિવાય યામી ગૌતમ અને પંકજ ત્રિપાઠી પણ મહત્વના રોલમાં છે.
વાંચો અમદવાદમાં 77માં સ્વાતંત્રતા પર્વની ઠેર ઠેર ઉજવણી
