World Cup Final #INDvsAUSfinal : ICC પિચ કન્સલ્ટન્ટ એન્ડી એટકિન્સન ભારત અને ઑસ્ટ્રેલિયા વચ્ચેના વર્લ્ડ કપ ફાઇનલના 48 કલાક પહેલા પિચની તૈયારી દરમિયાન જોવા મળ્યા ન હતા, જેના કારણે તેમના ભવિષ્ય વિશે પ્રશ્નો ઉભા થયા હતા. જાણવા મળ્યું છે કે ન્યુઝીલેન્ડના એટકિન્સન શુક્રવારે બપોરે અહીં પહોંચ્યા છે અને તે આવતીકાલે તૈયારીઓ માટે જોડાશે.
ઈન્ટરનેશનલ ક્રિકેટ કાઉન્સિલ (ICC)ના એક સૂત્રએ નામ ન આપવાની શરતે જણાવ્યું કે, “એન્ડી સ્વદેશ પરત ફર્યા નથી, તે બપોરે ICC ટીમ સાથે અહીં પહોંચ્યા હતા, તેથી તે મેદાનમાં ગયા ન હતા. તે આજે પિચની તૈયારીઓ અને નિરિક્ષણ કરવા મેદાનમાં પહોચશે.” એટકિન્સને યજમાન દેશ પર ભારત અને ન્યુઝીલેન્ડ વચ્ચેની સેમિફાઇનલ માટે પિચ (નવી પીચથી જૂની પીચમાં) બદલવાનો આરોપ લગાવ્યો હતો, જેના પછી ભારતીય ક્રિકેટ કંટ્રોલ બોર્ડ (BCCI)ના અધકારીઓ તેમનાથી નારાજ છે.
જોકે, ICC એ પાછળથી સ્પષ્ટતા કરી હતી કે નોકઆઉટ મેચો નવી પીચો પર રમવી જોઈએ એવો કોઈ નિયમ નથી અને એટકિન્સનને આ અંગે અગાઉથી જાણ કરવામાં આવી હતી. શુક્રવારે, BCCIના બે વરિષ્ઠ મુખ્ય ગ્રાઉન્ડ્સમેન, આશિષ ભૌમિક અને તાપોષ ચેટર્જી, ભૂતપૂર્વ ભારતીય ફાસ્ટ બોલર અને BCCIના ડોમેસ્ટિક ક્રિકેટના જનરલ મેનેજર એબી કુરુવિલા સાથે, રવિવારની ફાઈનલ (#INDvsAUSfinal) માટે પિચની તૈયારીઓનું નિરીક્ષણ કર્યું, જેના પર ભારે રોલરનો ઉપયોગ કરવામાં આવ્યો હતો. ફાઈનલ નવી અથવા વપરાયેલી પીચ પર રમાશે કે કેમ તે અંગે પુષ્ટિ થઈ શકી નથી.
રાજ્ય એસોસિએશનના એક ક્યુરેટરે કહ્યું, “જો કાળી માટીની પીચ પર ભારે રોલર્સનો ઉપયોગ કરવામાં આવે તો ધીમી બેટિંગ પિચ બનાવવામાં આવશે, જ્યાં મોટા સ્કોર બનાવી શકાય પણ તમે સતત હિટ કરી શકાય નહીં. 315 રનના સ્કોર બનાવી શકાય છે પરંતુ બીજી ઇનિંગમાં બેટિંગ કરનાર ટીમ માટે તે મુશ્કેલ હશે. કેએલ રાહુલ અને રવિન્દ્ર જાડેજાએ ભારતીય કેપ્ટન રોહિત શર્મા સાથે સખત નેટ પ્રેક્ટિસ કરી હતી, જેની સાથે રિઝર્વ ખેલાડીઓ ઇશાન કિશન, રવિચંદ્રન અશ્વિન અને પ્રસિદ્ધ કૃષ્ણા પણ હતા. હંમેશની જેમ, રોહિત અને દ્રવિડે પીચ જોવામાં ઘણો સમય પસાર કર્યો અને ક્યુરેટર્સ સાથે વાત પણ કરી.
Indian Cricket Team, #INDvsAUSfinal, #WorldcupFinal, #CWC23Final, #NarendraModiStadium, #Ahmedabad, #IndiaVsAustralia, Cricket World Cup, नरेंद्र मोदी स्टेडियम, #WorldcupFinal, Winner – India, #WCFinalonDD, #INDvsAUSfinal, #100CrorekaCup,
