કર્ણાટકમાં કોંગ્રેસના સ્ટાર પ્રચારકોની યાદીમાં દિગ્વિજય સિંહ, નવજોત સિદ્ધુ અને સચિન પાયલટનું નામ સામેલ કરાયું નથી. આ યાદીમાં પાર્ટી અધ્યક્ષ મલ્લિકાર્જુન ખડગે ઉપરાંત સોનિયા ગાંધી, રાહુલ ગાંધી અને પ્રિયંકા સહિત 40 ઉમેદવારોના નામ સામેલ છે. કોંગ્રેસે કર્ણાટકના સ્ટાર પ્રચારકોની યાદીમાં ડી.કે.શિવકુમાર, સિદ્ધારમૈયા, જયરામ રમેશ, કે.સી.વેણુગોપાલ, રણદીપ સુરજેવાલા, રાજસ્થાનના મુખ્યમંત્રી અશોક ગેહલોત, છત્તીસગઢના મુખ્યમંત્રી ભૂપેશ બઘેલ, હિમાચલ પ્રદેશના મુખ્યમંત્રી સુખવિંદર સિંહ સુખુનો પણ સમાવેશ કર્યો છે.
