War Impact: રશિયા-યુક્રેન બાદ હવે અમેરિકા, ઈઝરાયેલ અને ઈરાન વચ્ચે વધતા યુદ્ધના તણાવની સીધી અસર ભારતના ઈંધણ પુરવઠા પર પડી છે. વિશ્વભરમાં ઓઈલ અને ગેસની સર્જાયેલી અછતને પહોંચી વળવા ભારત સરકારે સમગ્ર દેશમાં ‘આવશ્યક ચીજવસ્તુ ધારો’ (Essential Commodities Act) અને ESMA કાયદો લાગુ કરી દીધો છે. આ સાથે જ સરકારે ગેસ સિલિન્ડર બુકિંગનો સમયગાળો વધારીને 25 દિવસનો કર્યો છે.
War Impact: શું છે આ કાયદાનો અર્થ અને અસર?
સરકારના આ પગલાનો મુખ્ય ઉદ્દેશ્ય સંગ્રહખોરી રોકવાનો અને દરેક નાગરિકને સમાન રીતે ઈંધણ મળી રહે તે સુનિશ્ચિત કરવાનો છે.
- સંગ્રહખોરી પર પ્રતિબંધ: કોઈપણ વેપારી કે એજન્સી નફાખોરી માટે પેટ્રોલ, ડીઝલ કે ગેસનો જથ્થો છુપાવી શકશે નહીં.
- સરકારી નિયંત્રણ: હવે સરકાર નક્કી કરશે કે કયા વિસ્તારમાં કેટલો જથ્થો મોકલવો.
- કાયદેસરની કાર્યવાહી: નિયમોનું ઉલ્લંઘન કરનાર સામે કડક ગુનો દાખલ કરવામાં આવશે.
War Impact: કોને મળશે પ્રાથમિકતા? (Priority List)
સરકારે ગેસ અને ઈંધણના વિતરણ માટે ચાર સ્તરની પ્રાથમિકતા નક્કી કરી છે:
- પ્રથમ પ્રાથમિકતા (100% પુરવઠો): ઘરેલુ PNG ગેસ, વાહનો માટે CNG અને LPG ઉત્પાદન. આ ગ્રાહકોને છેલ્લા 6 મહિનાના સરેરાશ વપરાશ મુજબ પૂરેપૂરો જથ્થો મળશે.
- દ્વિતીય પ્રાથમિકતા: ખાતર ઉત્પાદક પ્લાન્ટ્સ (શરત એ કે આ ગેસનો ઉપયોગ માત્ર ખાતર બનાવવા માટે જ થશે).
- તૃતીય પ્રાથમિકતા (80% પુરવઠો): ચા ઉદ્યોગ અને અન્ય નાના ઔદ્યોગિક ગ્રાહકો.
- ચોથી પ્રાથમિકતા (80% પુરવઠો): અન્ય મોટા વ્યાપારી અને ઔદ્યોગિક એકમો.
War Impact: ક્યાં મુકાશે કાપ?
પુરવઠો જાળવી રાખવા માટે સરકારે મોટા એકમોના વપરાશમાં કાપ મૂક્યો છે:
- ઓઈલ રિફાઈનરીઓ: ગેસ વપરાશમાં 65% નો મોટો કાપ.
- પાવર પ્લાન્ટ્સ: વીજળી પેદા કરતા પ્લાન્ટ્સના ગેસમાં પણ ઘટાડો કરાશે.
- મોટા ઉદ્યોગો: ONGC, ગેલ અને રિલાયન્સ જેવા એકમોમાં આંશિક કાપ મુકાશે.
ખાસ નોંધ: જે એકમોને ગેસ ફાળવવામાં આવશે, તેઓ આ ગેસનું ત્રીજી પાર્ટીને ફરીથી વેચાણ (Re-sale) કરી શકશે નહીં.
આ પણ વાંચો :રાજ્યસભા ચૂંટણી: 10 રાજ્યોની 37 બેઠકોમાંથી 26 પર ઉમેદવારો બિનહરીફ, હવે 11 બેઠકો પર જામશે જંગ
