માફિયા અતીક અહેમદ અને તેના ભાઈ અશરફ અહેમદની હત્યા બાદ કેન્દ્ર સરકાર એક્શન મોડમાં આવી ગઈ છે. મોડી રાત્રે ગૃહ મંત્રાલય (MHA) દ્વારા રિપોર્ટ મંગાવવામાં આવ્યો હતો. સૂત્રોના જણાવ્યા પ્રમાણે હવે ઉત્તર પ્રદેશ સરકારે આ મામલાની રિપોર્ટ ગૃહ મંત્રાલયને સોંપી દીધી છે. આ રિપોર્ટ યુપીના મુખ્ય સચિવ સંજય પ્રસાદની મુખ્યમંત્રી સાથેની બેઠક બાદ મોકલવામાં આવ્યો હતો.અતીક અહેમદ અને અશરફની હત્યા બાદ પ્રયાગરાજ સહિત સમગ્ર યુપીમાં કલમ 144 લાગુ કરવામાં આવી છે. આ ઉપરાંત નજીકના જિલ્લાઓમાંથી પણ ફોર્સ બોલાવવામાં આવી છે. આ સાથે સીએમ યોગી આદિત્યનાથે પોલીસ અધિકારીઓને એલર્ટ રહેવા, રાજ્યમાં શાંતિ અને કાયદો અને વ્યવસ્થા જાળવવા અને લોકોને કોઈ સમસ્યા ન થાય તે માટે સૂચના આપી છે.હત્યા બાદ પોલીસે વિવિધ શહેરોમાં સંવેદનશીલ વિસ્તારોમાં ફ્લેગ માર્ચ કરી હતી. પ્રયાગરાજના જૂના શહેરના ચાકિયા અને રાજારપુર વિસ્તારમાં તણાવની સ્થિતિ જણાવવામાં આવી રહી છે. યુપી સરકારે રાજ્યના તમામ 75 જિલ્લામાં કલમ 144 લાગુ કરી છે.
