સુપ્રીમ કોર્ટેમાં રોડ સેફટી અંગેની અરજીનો મામલો
સુપ્રીમ કોર્ટે સુનાવણી કરવાનો કર્યો ઈન્કાર
અરજદાર હાઈકોર્ટનો સંપર્ક કરી શકે છેઃસુપ્રીમ કોર્ટ
રોડ સેફટી અંગે સુપ્રીમ કોર્ટેમાં અરજી કરવામાં આવી હતી.ત્યારે સુપ્રીમ કોર્ટે દેશમાં માર્ગ સુરક્ષાના મુદ્દે દાખલ કરાયેલી અરજી પર સુનાવણી કરવાનો ઇનકાર કરી દીધો હતો. સર્વોચ્ચ અદાલતે કહ્યું કે માંગવામાં આવેલી રાહતો “એટલી વિશાળ” છે કે તેને ન્યાયિક રીતે એક અરજીમાં સમાવી શકાય નહીં. જસ્ટિસ એસ કે કૌલ અને સુધાંશુ ધુલિયાની બેન્ચે નોંધ્યું હતું કે પિટિશનમાં ઉઠાવવામાં આવેલા મોટા ભાગના મુદ્દાઓ તમિલનાડુ સંબંધિત છે અને અરજદારો યોગ્ય રાહત માટે રાજ્ય હાઈકોર્ટનો સંપર્ક કરી શકે છે.
અરજી પર સુનાવણી કરતા સુપ્રીમ કોર્ટે શું કહ્યું :
દક્ષિણી રાજ્યના રહેવાસી અરજદારે બેન્ચને જણાવ્યું હતું કે તેમની અરજી માર્ગ સલામતી વિશે છે અને દેશમાં દર વર્ષે પાંચ લાખથી વધુ અકસ્માતો થાય છે. જ્યારે અરજદારે કહ્યું હતું કે માર્ગ અકસ્માતના કેસોમાં વ્યક્તિ એક જગ્યાએ સારવાર મેળવી શકતી નથી, ત્યારે ખંડપીઠે કહ્યું હતું કે અકસ્માતના કેસોને સંકલિત રીતે સુવ્યવસ્થિત કરવામાં આવ્યા છે.અરજીમાં માંગવામાં આવેલી રાહતો વિશે, જેમાં તમામ ગેરકાયદેસર બાંધકામોને દૂર કરવાના રાજ્યને નિર્દેશોનો સમાવેશ થાય છે, બેન્ચે કહ્યું, “તમારો હેતુ સારો હોઈ શકે છે પરંતુ તે એટલા વ્યાપક છે કે તેને એક અરજીમાં ન્યાયિક રીતે કરી શકાય નહીં.” અરજીનો નિકાલ કરતી વખતે, કોર્ટે કહ્યું કે જો અરજદારો તમિલનાડુ રાજ્ય માટે કોઈ ચોક્કસ રાહત માંગે છે, તો તેઓ હાઈકોર્ટનો સંપર્ક કરવા માટે સ્વતંત્ર છે.અરજદાર તેની માંગણીને લઈને ઈચ્છેતો તમિલનાડુ કોર્ટમાં અરજી કરી શકે છે.
વધુ સમાચાર માટે જોતા રહો વી.આર.લાઇવ
સતત સમાચાર માટે જોતા રહો અમારી વેબ સાઈટ
