Thalapathy Vijay: સાઉથ સુપરસ્ટાર થલપતિ વિજયે અભિનય ક્ષેત્રે પદાર્પણ કર્યા બાદ હવે રાજકારણની દુનિયામાં પ્રવેશ કર્યો છે. શુક્રવારના રોજ તેમણે પોતાની પાર્ટીના નામની જાહેરાત કરી છે. અભિનેતાએ પોતાની પાર્ટીનું નામ ‘તમિલગા વેત્રી કઝગમ’ (Tamilaga Vetri Kazham) રાખ્યું છે.
Thalapathy Vijay: સાઉથ સુપરસ્ટાર થલપતિની રાજકારણમાં એન્ટ્રી
અભિનેતા વિજયની રાજકીય પ્રવેશની ક્ષણ નક્કી થઈ ગઈ છે. આના ભાગરૂપે, તેમણે શુક્રવારે દિલ્હીમાં ભારતીય ચૂંટણી પંચ (EC) પાસે પાર્ટીનું નામ રજીસ્ટર કરાવ્યું.
થલપતિ એ લોકસભાની ચૂંટણી પહેલા પાર્ટીના નામની જાહેરાત કરી દીધી છે, પરંતુ તેઓ ચૂંટણી લડી રહ્યા નથી. તેણે આ ખુલાસો પણ કર્યો છે.
અભિનેતા વિજયે એક નિવેદન જારી કરીને કહ્યું છે કે, ‘અમે 2024ની લોકસભા ચૂંટણી લડી રહ્યા નથી અને અમે કોઈપણ પક્ષને સમર્થન કરીશું નહીં. અમે જનરલ અને એક્ઝિક્યુટિવ કાઉન્સિલની બેઠક માટે આ નિર્ણય લીધો છે.
તાજેતરમાં, વિજયના રાજકારણમાં પ્રવેશવાના સમાચાર અંગે, એક સૂત્રએ કહ્યું હતું કે, ‘તે 2026માં તમિલનાડુમાં રાજ્યની ચૂંટણી પહેલા રાજકારણમાં પ્રવેશ કરશે.’ તમિલનાડુમાં વિજયની મોટી ફેન ફોલોઈંગ છે. અભિનેતા ઘણીવાર જરૂરિયાતમંદ લોકોની મદદ કરતા જોવા મળે છે.
Thalapathy Vijay અભિનય ઉપરાંત સમાજ સેવા માટે પણ જાણીતા છે. ડિસેમ્બર 2023 માં, વિજયે થૂથુકુડી અને તિરુનેલવેલી જિલ્લાના પૂર પ્રભાવિત રહેવાસીઓને મદદ કરી હતી. વિજયે કથિત રીતે પૂરથી ગંભીર રીતે પ્રભાવિત થયેલા પરિવારોને રાહત સામગ્રીનું વિતરણ કર્યું હતું.
વર્ક ફ્રન્ટની વાત કરીએ તો 2023માં વિજય ‘લિયો’ અને ‘વારિસુ’માં જોવા મળ્યો હતો. હાલમાં તે તેની આગામી ફિલ્મના શૂટિંગમાં વ્યસ્ત છે, જેનું નામ થલપથી 68 છે. આ ફિલ્મનું નિર્દેશન વેંકટ પ્રભુ કરી રહ્યા છે.
ચાહકો આ ફિલ્મની આતુરતાથી રાહ જોઈ રહ્યા છે. વિજય (Thalapathy Vijay) ના ફેન્સ માટે આ સમાચાર કોઈ સારા સમાચારથી ઓછા નથી.
दिलचस्प खबरों के लिए यहाँ क्लिक करे
यूट्यूब चैनल पर शॉर्ट्स देखने के लिए यहाँ क्लिक करे
पंजाब में और क्या चल रहा है – यहाँ से क्लिक कर के जाने
