Surat to Get ₹50 Crore High-Tech Lab: દક્ષિણ ગુજરાતમાં નકલી પનીર, ભેળસેળિયા મસાલા અને દૂધના વધતા કૌભાંડો સામે રાજ્ય સરકારે લાલ આંખ કરી છે. સુરતમાં 50 કરોડ રૂપિયાના માતબર ખર્ચે અત્યાધુનિક ‘ફૂડ એન્ડ ડ્રગ્સ ટેસ્ટિંગ લેબોરેટરી’ બનાવવાની મંજૂરી આપવામાં આવી છે. આ લેબ કાર્યરત થવાથી માત્ર ખોરાક જ નહીં, પરંતુ નકલી દવાઓ વેચતા માફિયાઓ પર પણ સકંજો કસાશે.
Surat to Get ₹50 Crore High-Tech Lab: ગણતરીની સેકન્ડોમાં થશે ‘દૂધનું દૂધ અને પાણીનું પાણી’
અત્યાર સુધી દૂધમાં યુરિયા કે પાણીની તપાસ માટે લાંબી પ્રક્રિયા કરવી પડતી હતી. પરંતુ નવી લેબમાં એવી ટેકનોલોજી હશે જે સેકન્ડોમાં શુદ્ધતાની તપાસ કરશે. મંત્રી પ્રફુલ પાનસેરિયાએ જણાવ્યું કે, દૂધમાં પ્રોટીન કે ફેટ (SNF) વધારવા માટે નાખવામાં આવતું યુરિયા હવે તરત જ પકડાઈ જશે.
Surat to Get ₹50 Crore High-Tech Lab: નકલી દવાઓ અને કફ સીરપ પર તવાઈ
માત્ર ખાણી-પીણી જ નહીં, સુરત અને આસપાસના વિસ્તારોમાં બ્રાન્ડેડ કંપનીના નામે વેચાતી નકલી દવાઓ અને કફ સીરપનું પણ અહીં સચોટ પરીક્ષણ થશે. લેબમાં આંતરરાષ્ટ્રીય સ્તરના સાધનો હોવાથી તેના રિપોર્ટ કોર્ટમાં મજબૂત પુરાવા તરીકે ગણાશે.
Surat to Get ₹50 Crore High-Tech Lab: 14 દિવસમાં મળશે ફાઈનલ રિપોર્ટ
- ઝડપી રિપોર્ટ: અગાઉ સેમ્પલ વડોદરા મોકલવા પડતા હતા, હવે સુરતમાં જ 14 દિવસમાં રિપોર્ટ મળી જશે.
- મોબાઈલ લેબ સાથે સંકલન: સુરત કોર્પોરેશનની 32 મોબાઈલ વાનમાં શંકાસ્પદ જણાતા સેમ્પલને વધુ ઊંડાણપૂર્વકની તપાસ માટે આ હાઈટેક લેબમાં મોકલવામાં આવશે.
Surat to Get ₹50 Crore High-Tech Lab: ઘરે કેવી રીતે તપાસશો દૂધની શુદ્ધતા?
જો તમને શંકા હોય કે તમારા ઘરે આવતા દૂધમાં ભેળસેળ છે, તો આ સરળ રીતો અપનાવો:
- યુરિયાની તપાસ: થોડા દૂધમાં સોયાબીન પાવડર મિક્સ કરો અને તેમાં લાલ લિટમસ પેપર ડુબાડો. જો પેપર વાદળી થઈ જાય, તો સમજવું કે દૂધમાં યુરિયા છે.
- ડિટર્જન્ટની તપાસ: દૂધ અને પાણી સમાન માત્રામાં લઈ બોટલમાં હલાવો. જો જાડા ફીણ વળે, તો દૂધમાં ડિટર્જન્ટ હોઈ શકે છે.
- પાણીની તપાસ: ઢાળ વાળી સપાટી પર દૂધનું ટીપું નાખો. જો તે સફેદ લીટી છોડ્યા વગર વહી જાય, તો તેમાં પાણી મિક્સ છે. શુદ્ધ દૂધ સફેદ નિશાન છોડશે.
સાવધાન રહો: દૂધમાં યુરિયા કે કેમિકલની ભેળસેળથી કિડની અને લિવરની ગંભીર બીમારીઓ થઈ શકે છે. હંમેશા સ્વચ્છતા અને દૂધના રંગ-ગંધની તપાસ કરીને જ દૂધ ખરીદવાનો આગ્રહ રાખો.
વધુ સમાચાર વાંચવા મત અંહી ક્લિક કરો : અભિષેક શર્માના આઉટ થવા પર હોબાળો, SRH એ KKR ને 65 રનથી હરાવ્યું; હૈદરાબાદ માટે અભિષેકની સિક્સરની સદી
