Shubhanshu Shukla: ભારતીય અવકાશ સંશોધન સંસ્થા (ISRO) એ ભારત અને અમેરિકા વચ્ચેના સંયુક્ત મિશન માટે પસંદ કરાયેલી ટીમની જાહેરાત કરી. આ ટીમમાં 2 ભારતીય ચહેરા પણ સામેલ છે. સમાચાર આવી રહ્યા છે કે ગ્રુપ કેપ્ટન શુભાંશુ શુક્લા અને ગ્રુપ કેપ્ટન પ્રશાંત બાલકૃષ્ણન નાયરને ઇન્ટરનેશનલ સ્પેસ સ્ટેશન (ISS)ના આગામી ભારત-યુએસ મિશન માટે પસંદ કરવામાં આવ્યા છે.
ઈસરોના સૂત્રોના જણાવ્યાનુસાર, આ મિશન નાસા દ્વારા માન્યતા પ્રાપ્ત સેવા પ્રદાતા એક્ષીયમ સ્પેસ ઈન્કની ભલામણ પર કરવામાં આવ્યું છે. એક સત્તાવાર પ્રકાશનમાં, ISROએ જણાવ્યું હતું કે તેના હ્યુમન સ્પેસફ્લાઇટ સેન્ટરે ISS પરના તેના ચોથા મિશન માટે યુએસના એક્સિઓમ સ્પેસ ઇન્ક સાથે સ્પેસફ્લાઇટ કરાર પર હસ્તાક્ષર કર્યા છે અને ‘નેશનલ મિશન અસાઇનમેન્ટ બોર્ડ’ (National Mission Assignment Board) એ બે ગગનયાત્રી (astronauts) – જૂથના નામોને મંજૂરી આપી છે. કેપ્ટન શુક્લા (Shubhanshu Shukla) અને ગ્રુપ કેપ્ટન નાયરની ભલામણ કરવામાં આવી છે.
અવકાશ પ્રવૃત્તિઓમાં સામેલ થશે
ISROએ જણાવ્યું હતું કે, “સોંપાયેલ ક્રૂ સભ્યોને મલ્ટિલેટરલ ક્રૂ ઓપરેશન્સ પેનલ (Multilateral Crew Operations Panel-MCOP) દ્વારા ઇન્ટરનેશનલ સ્પેસ સ્ટેશન પર જવા માટે મંજૂરી આપવામાં આવશે. આ અવકાશયાત્રીઓ ઓગસ્ટ, 2024ના પ્રથમ સપ્તાહથી મિશન માટે તેમની તાલીમ શરૂ કરશે. તેમાં કહેવામાં આવ્યું છે કે મિશન દરમિયાન, ‘ગગનયાત્રી’ ISS પર પસંદગીના વૈજ્ઞાનિકો સંશોધન અને ટેક્નોલોજી પ્રદર્શન પ્રયોગો કરશે અને અવકાશ પ્રવૃત્તિઓમાં જોડાશે.
માનવ અવકાશ ફ્લાઇટ સહયોગ
ભારતીય અવકાશ એજન્સી (Indian Space Research Organization – ISRO)એ કહ્યું, “આ મિશન દરમિયાન મેળવેલ અનુભવ ભારતીય માનવ અવકાશ કાર્યક્રમ માટે ફાયદાકારક રહેશે અને ISRO અને NASA વચ્ચે માનવ અવકાશયાન સહયોગને પણ મજબૂત બનાવશે.” યુએસ પ્રમુખ જો બિડેને ગયા વર્ષે વોશિંગ્ટનમાં વડા પ્રધાન નરેન્દ્ર મોદીને મળ્યા બાદ કહ્યું હતું કે ભારત અને અમેરિકા 2024માં એક ભારતીય અવકાશયાત્રીને આંતરરાષ્ટ્રીય અંતરિક્ષ સ્ટેશન પર મોકલવા માટે સહયોગ કરી રહ્યા છે.
ઓગસ્ટથી ટ્રેનિંગ શરૂ
સમાચાર અનુસાર, જાણવા મળ્યું છે કે ગ્રુપ કેપ્ટન સુભાંશુ શુક્લા (Shubhanshu Shukla) ને આ મિશનમાં પ્રાથમિક મિશન પાઇલટ તરીકે પસંદ કરવામાં આવ્યા છે, જ્યારે ભારતીય વાયુસેના અધિકારી ગ્રુપ કેપ્ટન પ્રશાંત બાલકૃષ્ણન નાયરને આ મિશનમાં બેકઅપ મિશન પાઇલટ તરીકે પસંદ કરવામાં આવ્યા છે. કહેવામાં આવી રહ્યું છે કે આ મિશનની ટ્રેનિંગ ઓગસ્ટના પહેલા અઠવાડિયાથી શરૂ થઈ શકે છે.
કોણ છે શુભાંશુ શુક્લા? | Who is Shubhanshu Shukla?
ભારતીય વાયુસેનાના ગ્રુપ કેપ્ટન શુભાંશુ શુક્લા (Shubhanshu Shukla) ટૂંક સમયમાં દેશના બીજા અવકાશયાત્રી બની શકે છે. કેપ્ટન શુક્લાને ઈસરો અને અમેરિકન સ્પેસ એજન્સી નાસાના સંયુક્ત અવકાશ મિશન (American Space Agency NASA) માટે પસંદ કરવામાં આવ્યા છે. આ વર્ષે ઓક્ટોબર બાદ તે આ મિશન હેઠળ ગમે ત્યારે ઈન્ટરનેશનલ સ્પેસ સ્ટેશન જઈ શકે છે.
જો કેપ્ટન શુક્લા આ મિશન હેઠળ અવકાશમાં જશે તો છેલ્લા 40 વર્ષમાં આવું કરનાર તે બીજા ભારતીય અવકાશયાત્રી હશે. આ પહેલા રાકેશ શર્મા 1984માં સોવિયત મિશન સાથે અવકાશમાં ગયા હતા.
ISROએ શુક્રવારે Axiom-4 મિશન માટે કેપ્ટન શુભાંશુ શુક્લા (39 વર્ષ) સાથે ગ્રુપ કેપ્ટન પ્રશાંત બાલકૃષ્ણન નાયર (Captain Prashant Balakrishnan Nair – 48 વર્ષ)ની પસંદગી કરી છે.
લેટેસ્ટ સમાચાર માટે અહી કલિક કરો
યુ-ટ્યુબ ચેનલમાં શોર્ટ્સ જોવા અહીં કલિક કરો
ગુજરાતના મહત્વના સમાચાર માટે અહીં ક્લિક કરો
રોમાંચક સમાચાર માટે અહીં ક્લિક કરો
