Rain Fury in Gujarat: ગુજરાતમાં એકસાથે ત્રણ વરસાદી સિસ્ટમ સક્રિય થતા વાતાવરણમાં પલટો આવ્યો છે. ઉત્તર અને મધ્ય ગુજરાતમાં વીજળીના કડાકા-ભડાકા અને તોફાની પવન સાથે વરસાદે દસ્તક દીધી છે. અરવલ્લી અને મહીસાગર જિલ્લાના કેટલાક ભાગોમાં કરા પડ્યા હતા, જ્યારે સાબરકાંઠા અને પંચમહાલમાં પવનના સૂસવાટા સાથે મેઘરાજાની એન્ટ્રી થઈ છે.
Rain Fury in Gujarat: રાજ્યમાં સર્જાયેલી તારાજી
- ગોધરા: શહેરમાં ભારે પવનને કારણે જાદુગરના શો માટે બાંધવામાં આવેલો વિશાળ મંડપ ધરાશાયી થયો હતો. આ સિવાય વૃક્ષો, હોર્ડિંગ્સ અને દિવાલ પડવાની ઘટનાઓમાં બે વ્યક્તિઓને ઈજા પહોંચી છે.
- ઉત્તર ગુજરાત: સાબરકાંઠામાં તોફાની પવન સાથે વરસાદ વરસતા માર્ગો પર પાણી ફરી વળ્યા હતા.
- અન્ય વિસ્તારો: ભાવનગર અને વિસનગરમાં પણ ધીમી ધારે વરસાદ ખાબકતા ભર ઉનાળે ચોમાસા જેવો માહોલ સર્જાયો હતો.
Rain Fury in Gujarat: ખેડૂતો માટે ચિંતાના સમાચાર
એક તરફ અત્યારે કવખતે વરસાદ વરસી રહ્યો છે, ત્યારે બીજી તરફ વર્ષ 2026ના મુખ્ય ચોમાસાને લઈને સ્કાયમેટ (Skymet) એ ચિંતાજનક અનુમાન જાહેર કર્યું છે:
- વરસાદની ઘટ: આ વર્ષે દેશમાં ચોમાસું સામાન્ય કરતા ઓછું રહેવાની શક્યતા છે. સરેરાશ વરસાદ (LPA)ના માત્ર 94 ટકા વરસાદ વરસે તેવો અંદાજ છે.
- જુલાઈ-સપ્ટેમ્બરમાં જોખમ: જૂનમાં સારી શરૂઆત બાદ જુલાઈથી સપ્ટેમ્બર દરમિયાન વરસાદ નબળો પડી શકે છે.
- અલ નીનોની અસર: ચોમાસું નબળું રહેવા પાછળ ‘અલ નીનો’ની સંભવિત વાપસીને મુખ્ય કારણ માનવામાં આવે છે. જો આમ થશે તો તેની સીધી અસર ખેતી અને મોંઘવારી પર પડી શકે છે.
Rain Fury in Gujarat: હવામાન વિભાગની ચેતવણી
હવામાન વિભાગના જણાવ્યા અનુસાર, આગામી 24 કલાકમાં હજુ પણ રાજ્યના કેટલાક ભાગોમાં ગાજવીજ સાથે હળવો થી મધ્યમ વરસાદ પડી શકે છે. ખેડૂતોને તેમના પાકને સુરક્ષિત સ્થળે ખસેડવા અને વીજળીના કડાકા વખતે સાવચેત રહેવા સૂચના આપવામાં આવી છે.
વધુ સમાચાર વાંચવા માટે અંહી ક્લિક કરો
