PM Visit Gujarat:ભારતને સેમિકન્ડક્ટર ક્ષેત્રે વૈશ્વિક હબ બનાવવાના મિશનમાં આવતીકાલે એક ઐતિહાસિક પ્રકરણ ઉમેરાવા જઈ રહ્યું છે. વડાપ્રધાન નરેન્દ્ર મોદી આવતીકાલે, 28 ફેબ્રુઆરીના રોજ ગુજરાતના ટૂંકા પણ અત્યંત મહત્વપૂર્ણ પ્રવાસે આવી રહ્યા છે. આ પ્રવાસ દરમિયાન તેઓ સાણંદ ખાતે માઈક્રોન (Micron) સેમિકન્ડક્ટર પ્લાન્ટનું ઉદ્ઘાટન કરશે અને દેશની પ્રથમ ‘મેડ ઇન ઇન્ડિયા’ ચિપ લોન્ચ કરશે.
PM Visit Gujarat:PM મોદીનો મિનિટ-ટુ-મિનિટ કાર્યક્રમ
વડાપ્રધાનના પ્રવાસને લઈને વહીવટી તંત્ર દ્વારા તમામ તૈયારીઓ પૂર્ણ કરી દેવામાં આવી છે:
- બપોરે 2:30 કલાકે: વડાપ્રધાનનું અમદાવાદ એરપોર્ટ પર આગમન અને ભવ્ય સ્વાગત.
- બપોરે 2:55 કલાકે: એરપોર્ટથી હેલિકોપ્ટર મારફતે સીધા સાણંદ પહોંચશે.
- સાણંદ ખાતે: સેમિકન્ડક્ટર પ્લાન્ટનું ઉદ્ઘાટન અને જનમેદનીને સંબોધન.
- સાંજે: કાર્યક્રમ પૂર્ણ કરી અમદાવાદથી સીધા દિલ્હી પરત રવાના થશે.
PM Visit Gujarat:ભારતની આત્મનિર્ભરતા તરફ મોટી છલાંગ
‘ઈન્ડિયા સેમિકન્ડક્ટર મિશન’ (ISM) અંતર્ગત સાણંદમાં કાર્યરત આ પ્લાન્ટ ભારતની ટેકનોલોજીકલ સફરમાં ગેમ-ચેન્જર સાબિત થશે.
- વિદેશી આયાતમાં ઘટાડો: અત્યાર સુધી ભારત ચિપ્સ માટે અન્ય દેશો પર નિર્ભર હતું, હવે ભારતમાં જ ઉત્પાદન શરૂ થતાં આ નિર્ભરતા ઘટશે.
- રોજગારીની તકો: આ પ્લાન્ટ દ્વારા સ્થાનિક સ્તરે હજારો યુવાનોને હાઈ-ટેક ક્ષેત્રમાં રોજગારી પ્રાપ્ત થશે.
- ગ્લોબલ સપ્લાય ચેઈન: આ પ્રોજેક્ટથી ભારત વૈશ્વિક સેમિકન્ડક્ટર માર્કેટમાં એક મજબૂત ખેલાડી તરીકે ઉભરી આવશે.
સેમિકન્ડક્ટર સિટી તરીકે સાણંદની ઓળખ
ઓટોમોબાઈલ હબ ગણાતું સાણંદ હવે દેશના ‘સેમિકન્ડક્ટર હબ’ તરીકે નવી ઓળખ પ્રસ્થાપિત કરશે. આ પ્લાન્ટ માત્ર સાણંદ જ નહીં, પરંતુ સમગ્ર ગુજરાત અને દેશના આર્થિક વિકાસને નવી ગતિ આપશે.
આ પણ વાંચો :ગુજરાતમાં સિંહોની સંખ્યામાં ભારે ઉછાળો, 231 નવા બચ્ચાંઓથી ગુંજી ઉઠ્યું જંગલ
