ગૌતમ બુદ્ધ નગરમાં કલમ 144 લાગુ કરાઈ
આદેશ 20 જુલાઈથી 3 ઓગસ્ટ સુધી અમલી રહેશે
સરઘસ જેવી ધાર્મિક પ્રવૃત્તિ માટે પરવાનગી લેવી પડશે
નોઈડા અને ગ્રેટર નોઈડામાં રસ્તાઓ પર તમામ ધાર્મિક કાર્યક્રમો પર પ્રતિબંધ
નોઈડા પોલીસે ઉત્તરપ્રદેશના ગૌતમ બુદ્ધ નગર જિલ્લામાં ક્રિમિનલ પ્રોસિજર કોડ (CrPC) ની કલમ 144 હેઠળ જાહેર મેળાવડા પર પ્રતિબંધ મૂક્યો હતો. નોઈડા પોલીસે નોઈડા અને ગ્રેટર નોઈડામાં જાહેર સ્થળો અને રસ્તાઓ પર નમાઝ, પૂજા અથવા સરઘસ જેવી કોઈ અનધિકૃત ધાર્મિક પ્રવૃત્તિ કરવામાં નહીં આવે તેવો પણ આદેશ આપવામાં આવ્યો છે.
આદેશ મુજબ અનિવાર્ય સંજોગોમાં આવી પ્રવૃત્તિઓનું આયોજન કરવા માટે જિલ્લાના ત્રણેય ઝોનના પોલીસ કમિશનર અથવા અધિક પોલીસ કમિશનર અથવા સંબંધિત નાયબ પોલીસ કમિશનર પાસેથી પરવાનગી લેવાની રહેશે. એડિશનલ ડીસીપી (કાયદો અને વ્યવસ્થા) હિર્દેશ કથેરિયા દ્વારા જારી કરાયેલા આદેશ અનુસાર, CrPCની કલમ 144 હેઠળના નિયંત્રણો 20 જુલાઈથી અમલમાં આવશે અને 15 દિવસના સમયગાળા માટે 3 ઓગસ્ટ સુધી અમલમાં રહેશે.
પ્રતિબંધ શા માટે લાગુ કરવામાં આવ્યો?
પોલીસે જણાવ્યું હતું કે આગામી મોહરમને ધ્યાનમાં રાખીને પ્રતિબંધો લાદવામાં આવ્યા છે, એક ખેલ આયોજન જેમાં વિદેશી દેશોના પ્રતિભાગીઓ સામેલ થશે,અને ખેડૂતોના વિરોધ અને સ્પર્ધાત્મક પરીક્ષાઓ યોજાશે જેને ધ્યાનમાં રાખીને આ નિર્ણય લેવામાં આવ્યો છે.
કોઈ પણ વ્યક્તિ એડીશનલ સીપી અથવા સંબંધિત ડીસીપીની પૂર્વ પરવાનગી વિના જાહેર સ્થળે ભેગા થઈ શકશે નહીં કે સરઘસ કાઢશે નહીં અથવા પાંચથી વધુ વ્યક્તિઓની એસેમ્બલીનો ભાગ બની શકશે નહીં
વધુ સમાચાર માટે જોતા રહો વી.આર.લાઇવ
સતત સમાચાર માટે જોતા રહો અમારી વેબ સાઈટ
