દેશમાં કેટલાક રાજ્યમાં કાળઝાળ ગરમી પડી રહી છે.જેના કારણે લોકોને પણ હાલાકીનો સામનો કરવો પડી રહ્યો છે. રવિવારે બપોરે મહારાષ્ટ્ર ભૂષણ એવોર્ડ સમારોહ માં ઓછા 13 લોકોનું મૃત્યુ થયું હતું. આ સાથે જ 600થી વધુ લોકો હીટસ્ટ્રોકનો ભોગ બન્યા હતા. આ ઇવેન્ટમાં લાખો લોકો કલાકો સુધી ભારે તાપ વચ્ચે બેઠા હતા. ઘણા લોકોએ ડિહાઈડ્રેશનની ફરિયાદ કરી હતી અને જમીન પર બેહોશ થઈ ગયા હતા જેના કારણે નાસભાગ જેવી સ્થિતિ સર્જાઈ હતી. આ ઘટનામાં મૃત્યુઆંક વધવાની શક્યતા છે. 50 લોકોની તબિયત પણ લથડી હતી. જેમને નજીકની હોસ્પિટલમાં દાખલ કરવામાં આવ્યા હતા. આ કાર્યક્રમનું આયોજન નવી મુંબઈના ખારઘરમાં કરવામાં આવ્યું હતું.
